Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Miro dhe ALMA sërish në një projekt të fuqishëm dhe emocional – “Atje”

Foto: @MiroHDOfficial

Kur dy emra yjesh bashkohen në një duet, suksesi është i sigurt. Kështu ndodhi me këngën nga Miro dhe ALMA “Më shumë”, dhe me siguri i njëjti fat do të ndiqet edhe nga bashkëpunimi i tyre i dytë – “Atje”. Kënga është krijuar gjatë kampit krijues Sofia Songwriting Camp, ku Miro, Juli nga grupi “Molec”, Denis Popstoev dhe autorja suedeze Kristin Langsrud kanë shkruar muzikën, ndërsa teksti është nga Miro dhe Dara Ekimova.
Këngëtari tregon si lindi ideja: “Në fillim bëra një version solo të këngës, por ajo sikur ‘qante’ për për ALMA-n dhe për melankolinë në zërin e saj, që unë e admiroj shumë. Tani gjithçka është në vendin e vet.” ALMA shton: “Është një privilegj i madh për mua që për herë të dytë të jem pranë Miro-s në një këngë bullgare kaq të fortë dhe emocionale!”

Videoklipi i këngës i jep historisë më tepër thellësi, pasi përfaqëson një film të shkurtër muzikor me regji dhe skenar nga Kris Zahariev, ndërsa operator është Boris Kallajxhiev. Klipi, i xhiruar tërësisht në shirit filmik paraqet brake dancer-in më të mirë të ri bullgar, Nikollaj Kafellov, dhe në rolin e vëllait të tij shfaqet aktori Cvetan Apostollov.

“Atje” publikohet një muaj para koncertit të madh të Miro-s në “Arena 8888 Sofja” më 26 nëntor, me të cilin këngëtari do të mbyllë turneun e tij nëpër vend.

Përpiloi: Diljana Traçeva

Përgatiti në shqip dhe publikoi: Kostandina Bello

Foto: youtube.com/@MiroHDOfficial



Последвайте ни и в Google News Showcase, за да научите най-важното от деня!

Më shumë nga rubrika

Trioja

Trioja nga Parisi "Orenda" prezantoi për herë të parë në Sofje një repertor tërësisht bullgar

Të bësh ëndrrën tënde realitet në ritmin bullgar dhe në tokën franceze. Kështu mund ta fillojmë në mënyrë metaforike historinë e muzikantes dhe pedagoges Stefka Miteva dhe trios bullgaro-franceze "Orenda", në të cilën i bashkohen edhe Sandrine..

botuar më 25-10-23 7.00.PD

Festë latine me Korin e famshëm të Fëmijëve të Radios Kombëtare Bullgare dhe muzikantë të ftuar mbresëlënës

Ndër ngjarjet që Kori i Fëmijëve të Radios Kombëtare Bullgare, i dirigjuar nga Venecia Karamanova, po ia kushton 65-vjetorit të tij, është koncerti "FIESTA - gëzimi i të bërit muzikë". Më 23 tetor, në orën 19:30 në Sallën 3 të Pallatit Kombëtar..

botuar më 25-10-23 5.55.PD

Mihaella Fileva sjell hitet e saj pop në version simfonik

Gjatë 14 viteve, që kur është në skenë, Mihaella Fileva u afirmua si një nga këngëtaret më të suksesshme të brezit të ri në Bullgari, duke fituar zemrat e një publiku të gjerë. Më 22 tetor në një koncert madhështor në Sofje ajo do të prezantojë këngët..

botuar më 25-10-22 8.20.PD