Me ftesë të kreut të shtetit Rumen Radev, Presidenti i Libanit, Gjenerali Joseph Aoun, mbërriti për një vizitë zyrtare në Bullgari. Vizita zhvillohet në prag të 60-vjetorit të vendosjes së marrëdhënieve diplomatike midis Bullgarisë dhe Libanit, të cilat do të festohen vitin e ardhshëm.

Fokusi i bisedimeve midis dy krerëve të shteteve ishin perspektivat për zhvillimin e bashkëpunimit dypalësh ekonomik dhe të investimeve, partneriteti në fushat e teknologjive të larta, inovacioneve, kulturës, shkencës, arsimit, mbrojtjes dhe sigurisë.

"Bullgaria mund të luajë një rol të rëndësishëm në rimëkëmbjen dhe zhvillimin ekonomik të Libanit", tha kreu i shtetit tonë pas takimit me homologun e tij libanez.

Joseph Aoun u tha gazetarëve se gjatë bisedimeve u morën vendime në lidhje me hapjen e një fluturimi të rregullt midis Bejrutit dhe Sofjes.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA