Një muaj para hapjes zyrtare të sezonit të 23-të të skive, Bansko u rendit ndër 25 destinacionet më të mira dimërore në botë. Në konkurrimin online, që zgjati 16 javë, morën pjesë 211 resorte nga 5 kontinente. Në votimin në faqen Worldskiawards.com u përfshinë mbi 4,3 milionë njerëz – klientë dhe profesionistë – nga më shumë se 143 shtete dhe rajone. Kjo e bëri sondazhin më të madhin në industrinë e turizmit të skive, por edhe një nga më globalët e zhvilluar ndonjëherë zyrtarisht.
Qyteti i vogël malor në malin Pirin u rendit ndër katër vendet në botë që kanë një komplet të plotë prej 13 çmimesh në 13 edicionet e Çmimeve Botërore të Skive. Qendra dimërore nën majën Todorka dominon në këtë garë që nga viti 2013, një arritje me të cilën mund të mburren vetëm edhe Kitzbühel në Austri, Val Thorens në Francë, resorti më i lartë i vendosur në Evropë, i cili për të dhjetën herë mori çmimin e madh si numri 1 në botë, si edhe Deer Valley në Shtetet e Bashkuara, shkruan faqja pirinsko.com.
Lexoni më shumë nga arkivi i Radio Bullgarisë:
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: BTA
Në majën e kodrës Sahat Tepe në Plovdiv , këto ditë u përurua një orë e lashtë uji – klepsidër, e rikonstruktuar sipas modeleve antike. Kjo është e vetmja orë e tillë e vendosur në ambient të hapur në Bullgari, dhe tashmë është atraksioni më i ri..
Devin - "qyteti i ujërave minerale", ndodhet në një nga rajonet më piktoreske të Bullgarisë - i fshehur në pjesën jugperëndimore të vargmalit më të gjerë bullgar, Rodopet, përgjatë lumit Vëça. Në afërsi të tij ndodhen dhjetëra monumente natyrore..
Bellogradçiku dhe shkëmbinjtë e tij të famshëm botërisht janë sërish skena e një spektakli magjik. Për pesë fundjava radhazi – nga 19 shtatori deri më 19 tetor – qyteti është mikpritës i edicionit të pestë të Festivalit të Balonave. Pritet që mbi 5 mijë..
Vranësira të dendura
Pjesërisht me re
Mjegull