Presidenti Rumen Radev vendosi veton ndaj ndryshimeve ligjore lidhur me emërimin e një menaxheri të veçantë tregtar në rafinerinë e "Lukoil" në Burgas. Në arsyetimin e tij, kreu i shtetit thekson se ndryshimet minojnë sundimin e ligjit në vend, bien ndesh me normat kryesore ligjore evropiane dhe paraqesin një rrezik të lartë për financat publike. Ai kujton se çështja e menaxherit të veçantë u rregullua ligjërisht që dy vjet më parë, duke përfshirë masa sigurie kundër abuzimeve, të pranuara edhe në vende të tjera evropiane me raste të ngjashme, për të minimizuar rrezikun e padive financiare ndaj shtetit. Me ndryshimet e miratuara të premten, këto masa sigurie hiqen pa argument.
Sipas presidentit, ndryshimet vendosin edhe rregulla të reja: menaxheri i veçantë mund të disponojë pa kufizime mbi aksionet dhe pjesëmarrjet në kapitalin e ndërmarrjeve të prekura, mund të shesë pronën e tyre, ndërsa kontratat që nënshkruan dhe aktet e organeve shtetërore do të jenë jashtë kontrollit administrativ dhe gjyqësor. Në praktikë, ndryshimet ligjore parashikojnë një nacionalizim të tërthortë të aktiveve të ndërmarrjeve dhe mundësinë për t’i transferuar më pas tek një rreth i pacaktuar i palëve të treta. Në këtë mënyrë, hapet një rrugë e gjerë për arbitraritet dhe abuzime, mendon Radev.
Më 7 nëntor, pas dy leximesh, parlamenti zgjeroi kompetencat e menaxherit të veçantë të një objekti të infrastrukturës kritike në vend me ndryshimet e miratuara. Më herët gjatë ditës, në korridoret e parlamentit, lideri i GERB, Bojko Borisov, njoftoi se tashmë u përcaktua se kush do të marrë postin e menaxherit të veçantë të rafinerisë në Burgas dhe emri u koordinua me SHBA-të dhe partnerët tanë evropianë.
Lexoni më shumë në arkivin tonë:
Redaktoi: Miglena Ivanova
Përgatiti në shqip dhe publikoi: Svetllana Dimitrova
Foto: BGNES
Paraqita një kërkesë me të cilën tërhiqem nga detyra e kryetares së Kuvendit Popullor, njoftoi kryetarja e parlamentit, Natalija Kisellova, pasi hapi seancën plenare më 29 tetor. “Sot tërhiqem dhe në këtë mënyrë tregoj se si duhet vepruar me ndjenjë..
Këshilli për bashkëqeverisje shqyrtoi në mbledhjen e sotme projektbuxhetin për vitin e ardhshëm dhe propozimin për rotacionin e kryetarit të Kuvendit Popullor. Vendosja e një kryesimi i rotacionit të Kuvendit Popullor do të firmoset të mërkurën, më 29..
Rumania rinegocion me BE-në Planin e saj Kombëtar për Rimëkëmbje dhe Qëndrueshmëri Komisioni Evropian miratoi variantin e ri të Planit Kombëtar për Rimëkëmbje dhe Qëndrueshmëri të Rumanisë, njoftoi ministri për fondet evropiane Dragoș Pîslaru, i..
“Justifikimet e qeverisë se po presin shpalljen e ndryshimeve që kanë miratuar në Ligjin për Rregullimin Administrativ të Aktiviteteve Ekonomike të..
Në një seancë të jashtëzakonshme, Komiteti parlamentar i Energjisë rrëzoi veton e Presidentit Rumen Radev mbi ndryshimet legjislative që lidhen me..
Asambleja Kombëtare hodhi poshtë veton e Presidentit Rumen Radev mbi ndryshimet që zgjerojnë kompetencat e menaxherit të posaçëm komercial të..
Vranësira të dendura
Pjesërisht me re
Mjegull