Gjatë muajit shtator në qytezën piktoreske Nedelino të maleve Rodope grumbullohen dashamirësit e folklorit. Aty nga data 5 deri më 7 shtator organizohet Festivali Ballkanik i Folklorit i cili festival është me karakter gare.

Më shumë rreth aktivitetit kulturor na sjell kryetari i Nedelinos, z. Stojan Beshirov: “Ky është edicioni i dytë i Festivalit Ballkanik të Folklorit. Sivjet formacionet të cilat do të garojnë në sheshin kryesor të qytezën janë rreth 180. Presim pjesëmarrës nga Greqia, Rumania, Serbia, Moldavia, Maqedonia dhe Turqia. Për herë të parë do të marrin pjesë artistë nga Irani. Bëjmë çdo gjë që është e mundur për të treguar mikpritjen me të cilën karakterizohen banorët e maleve Rodope. Pjesëmarrësit do të vendosen në hotelet në qarkun e Smoljanit. Edhe më herë e kemi organizuar festivalin, bile ka 12 vjet që ekziston, por përpara ishte kombëtar, jo ndërkombëtar. Sivjet do të ketë klasifikim të veçantë për formacionet e valleve popullore. Ato do të vlerësohet nga një juri ekspertësh. Më të mirët do të shpërblehen me para. Fituesit e kategorive të tjera do të marrin medalje dhe mirënjohje. Mikpritësit e aktivitetit gjithashtu do t’i ngjiten skenës së festivalit. Në qytezë ruhet i ashtuquajturi “këndim dyzërash” , shumë karakteristik për malet Rodope dhe i përfshirë në regjistrin kombëtar të trashëgimisë kulturore jo materiale. Sivjet priten më se 30 mijë pjesëmarrës dhe mysafirë. Në kuadër të festivalit do të shënohen dy datë të rëndësishme – 80 vjet nga emërtimi i vendbanimit Nedelino dhe 40 vjet nga shpallja e tij qytezë.”

Përgatiti në shqip: Anna Kapitanova