Tre tubime të mëdha kombëtare sivjet do të gërshetojnë folklor, traditë, ekspozita të kafshëve të posaçme të racës, gara, ekspozita të muzeve. Këto janë Tubimi i pestë kombëtar i rritësve të dhenve në qytetin Veliko Tërnovo, Tubimi i krijimtarisë popullore dhe të blegtorisë “Rozhen” rreth qytetit Smoljan dhe ai i Jugperëndimit – “Irin Pirin” në qytetin Razllog. Qëllimi i organizatorëve nga Fondacioni “Trashëgimi në të ardhme” është të afirmojnë prejardhjen bullgare dhe pranim midis brezave.

Tubimi kombëtar i rritësve të dhenve në Bullgari, lidhur me patronin e vet Shën Gjergji, do të fillojë më 6 maj në fushat rreth manastirit Petropavllovski në Bullgarinë qendrore. Do të përfshihen dhe fermer nga të gjitha krahinat e vendit, mbi 2500 pjesëmarrës në konkursin folklorik, dhe po kështu dhe diplomatë. Në të në mënyrë të detyrueshme marrin pjesë përfaqësues të organizatave të ndryshme të degës. Sivjet ata do të jenë mbi 30 nga Ballkani dhe Evropa. Tubimi nuk është tradicional, në ndryshim të atyre në Bullgarinë Jugore, por bëhet gjithnjë e më i njohur dhe vjet grumbulloi rreth 150 000 vizitues.

Fondacioni angazhohet dhe me një ngjarje tjetër – Festivali “Irin Pirin”. Ai do të jetë në partneritet me bashkinë Razllog, vendin Predella më 17-19 qershor. Aksenti do të jetë mbi jetën, traditat dhe folklorin e Jugperëndimit.

Një muaj më vonë më 15, 16 dhe 17 korrik do të zhvillohet Tubimi Kombëtar “Rozhen”. Ai u rivendos nga fondacioni gjatë vitit 2015 në bashkëpunim me bashkinë Smoljan. Aty do të zhvillohet dhe konkursi folklorik me mbi 7000 interpretues në 5 skena. Ja dhe hollësira të tjera për ngjarjen nga organizatori Vlladisllava Andreeva:

“Vjet nuk na arritën të 4 skenat për shkak të numrit të madh të grupeve dhe të pjesëmarrësve nga e gjithë Bullgaria. Kishim problem dhe me praninë, sepse siç e dini, Rozhen është shumë lart në mal. Por, mjerisht nuk ka sesi të bëjmë rrugë të reja. Mundohemi të formojmë itinerare të reja përmes Pamporovos. Sivjet drejtojmë një përkushtim ndaj bullgarëve jashtë shtetit dhe i ftojmë të vijnë në Rozhen, sepse mendojmë, se kjo është një ngjarje e përgjithshme bullgare. Qëllimi ynë është të mund të tërheqim sa më shumë njerëz dhe t’u drejtojmë apel që të vijnë të veshur në veshje popullore.”

Organizatorët nga Fondacioni “Trashëgimi në të ardhmen” dhe bashkitë Smoljan dhe Çepellare premtojnë se do të bëhet një kamp i madh me çadra. Do të ketë dhe një transport të siguruar nga Çepellare, Smoljan dhe Pamporovo. Pavarësisht nga organizimi jo i lehtë që të gjithë janë në një gjendje shpirtërore pozitive, të vendosur të vazhdojnë të luftojnë.

Ne mendojmë se ky model është i suksesshëm, interesant, novator dhe funksionues. Jo rastësisht e propozojmë dhe jashtë shtetit me organizatat tona partnere. Këtu, në terren pamë sesa janë të mahnitur njerëzit nga ky gërshetim të jetës, traditave, bujqësisë dhe rritjes e bagëtisë. Prandaj le të vijnë përsëri në Rozhen dhe secili të afrohet deri tek fryma e Rodopeve dhe traditat bullgare.

Përgatiti në shqip: Nataniela Vasileva