Nga 1 deri më 7 maj kryeqyteti është mikpritës i Edicionit të Tetë të Festivalit Ndërkombëtar të Filmave Vizatimorë “Zllaten Kuker – Sofia”. Ai mbahet në Siti Mark Centër dhe në Fakultetin e Arteve të Aplikuara pranë Akademisë Kombëtare të Arteve Figurative. 1117 ishin titujt e prezantuara në Sofje nga 87 vende. Prej tyre për programin e konkursit u seleksionuan 205 filma. Përveç shfaqjes së filmave në kuadrin e programit organizohen edhe klasa të mjeshtërve dhe ekspozita të krijuesve të njohur nga mbarë bota. Për çdo moshë janë të parashikuara vepra interesante.

Gjatë viteve shkolla bullgare të kinemasë së vizatuar kishte arritje të famshme. Mirëpo, a ka ndonjë vazhdimësi në të?

“Po në të vërtetë në shkollën bullgare të filmave vizatimorë ka një vazhdimësi – përgjigjet drejtoresha e festivalit Nadezhda Sllavova. – Po e them këtë sepse në të prezantohen edhe krijues nga ish Studioja e Filmave Vizatimorë “Sofia”, si për shembull Vitko Bojanov. Ai është një profesionist i përsosur. Krahas kësaj prezantohen dhe shumë krijues të rinj, të cilët mësojnë nga filmat më të vjetër të vizatuar. Mund të them se krijuesit e rinj janë shumë ambicioz dhe prezantohen shumë mirë kudo në botë. Bëhet fjalë për filmat e vizatuar të krijuesve të rinj. Krijova një formacion “Asociacion bullgar të piktorëve të pavarur të filmave vizatimorë” me emrin e njërit prej mjeshtërve më të mëdhenj Projko Projkov. Në të tashmë anëtarësojnë 220 krijues të filmave vizatimorë. Krijuam edhe një sajt dhe në galerinë pran tij mund të shihen veprat e të gjithë anëtarëve.”

Veprat bullgare në programin e festivalit janë 25 – një shifër shumë e mirë sipas znj. Nadezhda Sllavova. Ajo thekson, se përderisa vitet e mëparshme kriza botërore ndikonte edhe në këtë fushë, tani situata u ndryshua krejtësisht. Edhe mesazhet e filmave dallohen.

“Që nga viti i kaluar shihet një optimizëm. Sivjet filmat janë më artistikë, me ide dhe pamje më tërheqëse, me shfrytëzimin e teknologjive interesante. Është fakt se në përmasë botërore filmat vizatimorë janë tepër të kërkuar. Prandaj kjo gjini kinematografike zhvillohet me ritme të shpejta. Edhe krijuesit bullgarë në këtë fushë kanë pozita shumë të mira. Aktualisht ka shumë krijues të rinj bullgarë, të cilët realizojnë filma të mrekullueshëm.”

Do të kujtojmë, se para kohe bullgari Teodor Ushev për filmin e tij “Vajsha e verbër” mori një nominim për “Oskar” në kategorinë e filmave vizatimorë me metrazh të shkurtër. Vepra u realizua në bashkëpunim kanadezo-francez sipas tregimit me të njëjtin titull të shkrimtarit bullgar Georgi Gospodinov.

Dhe diçka tjetër me rëndësi: një nga arritjet më serioze të festivalit të sivjetshëm është organizimi i më shumë klasave të mjeshtërve. Ato mbahen kryesisht prej autorëve bullgarë. Vetëm tri prej klasave janë të krijuesve të huaj. Të tjerët mbahen nga disa prej piktorëve më të suksesshëm në fushën e filmave të vizatuar.

Përgatiti në shqip: Svetllana Dimitrova

Fotografi: Veneta Pavllova