Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Forca e mediave publike është në informacionin e besueshëm

Noel Curran: Qëllimi i EBU është që të dëgjojë, të punojë dhe t’i përkrahë anëtarët e tij

Radioja Kombëtare Bullgare (BNR) është mikpritës i Radio-asamblesë së 25-të të Bashkimit Evropian të Radio-Televizioneve (BERT) (EBU). Ai është themeluar në vitin 1950 dhe është asociacioni më i madh profesional, i cili bashkon 73 media publike nga Evropa, ndërsa anëtarë të asociuar janë media nga Azia, Afrika dhe SHBA-ja. Radioja Kombëtare Bullgare dhe Televizioni Kombëtar Bullgar (BNT) u anëtarësuan më 1 janar 1993. Ngjarja është me rëndësi të madhe për Bullgarinë, sepse një forum i rangut të tillë zhvillohet për herë të parë te ne – këtu ka përfaqësues të 44 mediave publike nga 39 shtete nga Evropa, Azia dhe Afrika.

Lord Tony Hall

“Besoj thellë se po të doni kundërhelm ndaj lajmeve të rreme, këto janë mediat si Radioja Kombëtare Bullgare. Në qoftë se doni që kultura juaj të prezantohet shumanshëm kjo mund të ndodhë nëpërmjet mediave publike. Në qoftë se doni t’i bashkoni njerëzit, kjo gjithashtu do të realizohet përmes mediave publike dhe ato duhet të marrin financimin e domosdoshëm. Të gjithë e dimë se në sferën publike ka shumë shkurtime, por vërtetë mendoj se mediat publike duhet të përkrahen dhe kjo kohë do të vijë” – theksoi para BNR Presidenti i EBU lord Tony Hall.

Në deklaratën e vet drejtori i përgjithshëm i BNR-së Aleksandër Velev nënvizoi se megjithë sfidat e lidhura me financimin e mediave publike Radioja Kombëtare ka arritur jo pak, që ta ruajë besimin e auditorit të vet, si dhe të tërheqë dëgjues të rinj:

Aleksandër Velev

“Gjatë dy viteve të fundit investuam mjete edhe në zhvillimin e web sajtit të radios. Vitin e kaluar vizitat në sajt u rritën me 54 për qind, ndërsa në fund të vitit krijuam një dizajn të ri, gjë që vetëm në kuadrin e një muaji çoi në 34 për qind rritje të vizitave. Hapi tjetër, që bëmë, i është drejtuar pranisë sonë në rrjet sociale – në Facebook dhe në mediat e tjera sociale, duke e tërhequr në këtë mënyrë auditorin e ri. Si e bëjmë? – Organizojmë aktivitete jashtë godinës së radios. Krijuam gjithashtu një klasifikim muzikor “BNR TOP 20”, i cili fitoi popullaritet të madh te ne. Ai i është kushtuar muzikës së re bullgare. Organizuam koncerte në të hapur dhe me orkestrat tona. Përhapim informacion edhe në Viber dhe në këtë mënyrë gjithashtu e tërheqim auditorin e ri. Përveç kësaj transmetojmë live në rrjetet sociale rubrikën tonë javore politike “E diela 150” të programit “Horizont”. Disponojmë studio më të mëdha, ku ftojmë edhe publik live. Kemi edhe Radio Bullgarinë, të cilën e kemi transformuar në një sajt në 9 gjuhë.”

Drejtori i përgjithshëm i EBU Noel Curran theksoi se një prej gjërave më të rëndësishme, të cilat e dallojnë median publike nga ajo komerciale është përmbajtja e saj, si dhe fakti se ajo gjithmonë është burim i një informacioni të besueshëm dhe të kontrolluar. Drejtori mediatik i EBU Jean-Philippe de Tender shtoi se informacioni i besueshëm mbetet arma më efikase e gazetarëve kundër lajmeve të rreme. Sa i përket zhvillimit të EBU Curran mendon se në botën e sotme, ku progresi teknologjik ndodh kaq shpejt, organizata ka nevojë për parterë të vet jashtë saj. Të tillë sipas tij mund të jenë platformat e mëdha streaming. Ndikimi dhe prania e tyre online ndihet gjithnjë e më shumë. Në përfundim drejtori i përgjithshëm i EBU deklaroi se organizata u është besnike parimeve të veta dhe rikujtoi:

Noel Curran

Strategjia e EBU është përqendruar te nevojat e anëtarëve të tij. Qëllimi ynë është që të punojmë me ju për ju. Po, nganjëherë kemi kundërshtime me disa prej jush, por gjithmonë i dëgjojmë nevojat tuaja.”

Forumi po vazhdon edhe sot me debate mbi tema të lidhura me tërheqjen e auditorit të ri, si dhe për mundësitë dhe sfidat para zhvillimit digjital të mediave publike.

Përgatiti në shqip: Vesella Mançeva

Foto: Ani Petrova



Последвайте ни и в Google News Showcase, за да научите най-важното от деня!

Më shumë nga rubrika

Hungaria, vitet '30 të shekullit të 20-të

Bullgarët në Hungari me një festë të dyfishtë – Ditën e Miqësisë dhe marrjen e certifikatës së UNESCO-s për traditën e tyre të kopshtarisë

17 tetori 2025 do të hyjë në histori si data në të cilën Ministri i Kulturës i Hungarisë paraqiti dokumentin që regjistron zyrtarisht Traditën e Kopshtarisë Bullgare në Hungari në Regjistrin e Trashëgimisë Kulturore Jomateriale të UNESCO-s. Ky..

botuar më 25-10-19 9.05.PD

Gara më e madhe ndërkombëtare e dhomave escape po zhvillohet në Sofje

Sofja po pret finalen e ER Champ 2025 – gara më e madhe ndërkombëtare e dhomave escape në botë. Eventi, më 19 dhe 20 tetor, do të përfshijë dymbëdhjetë ekipe nga e gjithë bota, të cilat arritën të zënë një vend të denjë midis më të mirave pas një..

botuar më 25-10-19 5.00.PD
Drejtori i Përgjithshëm i BNR-së Milen Mitev

Radioja Kombëtare Bullgare do të organizojë Konferencën Vjetore Ndërkombëtare të Mediave Publike

Radioja Kombëtare Bullgare (BNR) do të organizojë Konferencën Vjetore Ndërkombëtare të Mediave Publike. Forumi prestigjioz do të mbahet për herë të parë në Sofje nga 20 deri më 22 tetor me pjesëmarrjen e transmetuesve publikë nga 24 vende në pesë..

botuar më 25-10-17 5.14.MD