Qytetarët të sinjalizojnë në se kanë informacion për hotele të vogla të ndërtuara me mjete evropiane, të cilat nuk punojnë – për këtë bëri thirrje Ministri i bujqësisë Rumen Porozhanov. Të gjitha bujtinat e ndërtuara me subvencionime evropiane janë publikuar në sajtin e Fondit “Bujqësia”, në mënyrë që njerëzit të kenë informacion për to dhe t’i vizitojnë. Atje ku nuk ka akses në këto objekte, duhet të na sinjalizojnë, tha Ministri. Kontrolli bëhet nga Agjencia e pagimeve dhe deri tani pas sinjaleve janë kontrolluar 17% të të gjitha bujtinave. Pas 122 kontrollimeve të 32 pronarëve janë bërë 63 korrigjime financiare dhe janë kthyer 4 mln. euro. Arsyeja për këtë thirrje të Ministrisë së Bujqësisë është hetimi i nisur kundër ish-Zv.Ministrit të ekonomisë Aleksandër Manolev për ndërtimin me mjete evropiane të një hoteli të vogël, i cili nuk përdoret për qëllimin e synuar.