Ministri i mjedisit dhe ujërave Neno Dimov nënshkroi në Bukuresht një memorandum bashkëpunimi ndërmjet Bullgarisë dhe Rumanisë për përmirësimin e ekologjisë së Detit ë Zi dhe të lumit Danub, duke kufizuar ndotjen me materiale plastike. Sa i përket biodiversitetit, përpjekjet janë drejtuar në mbrojtjen e koordinuar dhe menaxhimin e zonave të lagëta dhe rritjen e numrit të blinjve (Acipenseridae) në Danub dhe pjesën veriperëndimore të Detit të Zi. Memorandumi parashikon gjithashtu bashkëpunim për reduktimin e ndotjes së ajrit nga makinat e vjetra që importohen në të dyja vendet dhe shkëmbim të praktikave të mira në menaxhimin e objekteve kufitare, të cilat janë pjesë e rrjetit të mbrojtur NATURA 2000.