Presidenti Rumen Radev po përgatit një takim të madh të bashkatdhetarëve tanë, që jetojnë jashtë Bullgarisë, i cili do të përshpejtojë procesin e krijimit të Këshillit Kombëtar për Bullgarët jashtë Shtetit, deklaroi kreu i shtetit në Gjenevë të Zvicrës.

Radevi kuitoi se krijimi i këtij organi është parashikuar në Ligjin për Bullgarët jashtë Shtetit dhe në strategjinë kombëtare për shtetasit bullgarë dhe komunitetet tona historike jashtë kufijve shtetërore. Para bullgarëve në Zvicër presidenti bëri thirrje për tolerancë zero ndaj cilësisë së ulët të punës së politikanëve në qeverisje, në infrastrukturë, në arsim dhe në shëndetësi. Radevi shtoi se duhet të synojmë jo vetëm tregues të mirë makroekonomikë, por edhe të kalojmë nga niveli sasior në nivelin cilësor kur vlerësojmë jetën tonë.