Shtabi Operativ Kombëtar shpalli në briefingin e vet të mëngjesit ditën e hënë se një fëmijë 9 vjeçar nga Anglia është rasti i 52 i koronavirusit i regjistruar në Bullgari. Një i afërm i fëmijës, i cili gjithashtu është në Bullgari, para kësaj ka qenë në kontakt me motrën e vet, e cila është e sëmurë nga koronavirusi. Shtabi Operativ konstatoi se në vend ka tendencë të respektimit të rekomandimeve dhe urdhëresave të shpallura në lidhje me përhapjen e infeksionit. Ndërkaq, Ministria e Punëve të Jashtme bëri të ditur se një shtetas bullgar me qëndrim të përhershëm në Singapor ka test pozitiv për koronavirusin COVID-19. Aktualisht bashkatdhetari ynë është izoluar në Qendrën Kombëtare për Sëmundje Infektive (NCIS) në Singapor dhe gjendja e tij është stabile.