Personat që paguajnë vetë kontributet e sigurimeve shoqërore do të mund të marrin hua pa interes, tha Kryetarja e Komisionit për Buxhetin Menda Stojanova. Ata do të mund të marrin hua mujore prej 750 eurosh, interesi do të paguhet nga shteti, ndërsa shlyerja e borxhit do të jetë deri në 10 vjet. Deri tani masa ishte vetëm për ata që ishin me leje pa pagesë. Stojanova shpalli edhe një masë të re për biznesin e vogël, i cili gjithashtu do të mund të marrë kredi pa interes. Deputetja ripohoi se masa “60/40” në përkrahje të biznesit për ruajtjen e punonjësve në kompani do të përfshijë jo vetëm pagat, por edhe kontributet e sigurimeve shoqërore.