Në prag të vjeshtës në plan të parë del kujdesi për forcimin e organizmit dhe të sistemit imun. Disa prej mundësive janë shëtitjet mes natyrës, në gërshetim me vetitë shumë të mira të mjaltit të manit për shembull! Në malin Stranxha mund t’i kombinoni që të dyja.
Sipërmarrës vendas kanë punuar një itinerar të posaçëm i cili prezanton nga afër mjaltin e manit nga krahina e Stranxhës dhe produktet biologjike të bletëve, të cilat prodhohen në pyjet rreth lumit Veleka. Turistët kanë mundësi të vizitojnë dy bletore, të vendosura në fshatrat e nestinarëve /valltarë të cilët vallëzojnë mbi prush/ të Stranxhës. Në to nxirret mjalti biologjik, uthulla prej mjalti dhe produkte të tjera prej mjalti të cilat e risin imunitetin.
Mjalti prej mani nga Stranxha është me veti të dëshmuara shëruese dhe prej kohe është imponuar si një pjesë nga logoja turistike e malit. Jo rastësisht e quajnë “floriri i zi i Stranxhës”! Gjatë vitit 2019 ai u bë produkti i parë bullgar, i regjistruar me një emërtim të Mbrojtur për prejardhje në bazë të skemave Evropiane për cilësi. Prodhohet prej bletëve mjaltë sjellëse, të cilat mbledhin nektar nga bimët dhe lëngun e ëmbël nga lisat e Stranxës.
Mjalti i Stranxhës ka aromë të frutave të pjekura dhe shijen e karamelit dhe është me një përmbajtje shumë të ulët të polenit. Në sajë të kompleksit prej mineraleve, të aminoacideve thelbësore dhe të pazëvendësueshme dhe të vitaminave, ai përdoret për rritjen e imunitetit dhe për shërimin e problemeve të ndryshme - duke filluar që nga gripi dhe arrihet deri tek sëmundjet e veshkave dhe të mëlçisë.
Paralelisht me vizitat në bletore, turistët njihen dhe me brendësinë e malit - me vendet e tij më të shenjta dhe të lashta, me traditat, natyrën dhe kuzhinën vendase.
Përgatiti në shqip: Nataniela Vasileva
Foto: arkiv-iniciatorë
Numër rekord plazhesh në bregdetin bullgar të Detit të Zi janë vlerësuar me çmimin prestigjioz ndërkombëtar “Flamuri Blu”, që dëshmon për ujërat detare të pastra dhe brezat bregdetarë. Ai jepet pas vlerësimit nga Agjencia Evropiane për Mjedisin, e cila..
Nëse mendoni se verilindja e Bullgarisë është vetëm hambar pjellor dhe fusha të sheshta, është koha të hidhni sytë drejt mbjelljeve të rrushit, të cilat shtrihen në mijëra dekarë në rajon. Këtu vera është pjesë e përditshmërisë dhe kulturës së njerëzve...
Në brigjet e liqenit të qytetit Pravec u hap një park i ri kulturoro-historik, i cili shtrihet në 14 dekara. Atraksioni “Bullgaria Lend” ofron një mundësi unike për t’u njohur me trashëgiminë bullgare, të paraqitur në përmasa të zvogëluara. Ka modele të..