Intelligent Music Project është i krijuar para rreth 10 vjetëve. Producent dhe autor i këngëve në të gjithë 5 albumet e grupit është doktori Milen Vrabevski - sipërmarrës dhe filantrop, i njohur në Bullgari me kauzat e tij të atdhedashurisë.
Gjatë viteve në projekt kanë marrë pjesë muzikantë të njohur botërisht si Simon Philips, Joseph Wiliams, të njohur nga grupi Toto, John Payne (ex-Asia), Carl Sentance ( nga grupi Nazareth) John Lawton (ex-Uriah Heep) e të tjera.
Përpara disa ditëve Intelligent Music Project u ngjit deri në vendin e parë në rok klasifikimin grek Rock Radio 104.7, duke kaluar në rrugën e tij emra të afirmuar botëror si Deep Purple, Scorpions, Whitesnake dhe Rolling Stones - këtë e mësuam nga një bashkëpunëtor i doktorit Vrabevski. Kënga me të cilin u arrit ky sukses, quhet „Every time“. Ajo është një pjesë nga albumi i fundit i bandës „Life Motion“, ku këngëtari kryesor është frontmeni i grupit legjendar Rainbow Ronnie Romero.
Pyetjes se përse sipas tij kënga ka një sukses kaq të madh, Ronnie përgjigjet:
“Për mua përgjigja është tepër e thjeshtë-sepse “Every time” është një këngë shumë e bukur! Ka një melodi e cila tingëllon në mënyrë pak komerciale, është e strukturuar shumë mirë dhe është shumë e këndshme për t’u dëgjuar. Nga ana tjetër, dikush më tha kohët e fundit se, kam fansa të shumtë në Greqi - nuk dija fare për këtë. Kështu që, kur të mbledhim 1+1, në fund na del një këngë e suksesshme në klasifikimet!”
Mes pjesëmarrësve të tjerë në albumin e 5 të Intelligent Music Project „Life Motion“ janë përsëri Simon Philips, John Payne si dhe Richard Grisman nga grupi River Hounds. Pjesëmarrësit bullgar në projekt janë mes muzikantëve tanë më të mirë – Stojan Jankullov-Stunxhi, Sllavin Sllavçev, Biser Ivanov, Bobi Kosatkata, Ivajllo Zvezdomirov, Ivo Stefanov, Lina Nikoll dhe Samuell Eftimov.
Mësuam po kështu se gjatë muajve të ardhshëm, në qoftë se rrethanat e jashtëzakonshme lejojnë, Intelligent Music Project do të zhvillojë koncerte në Greqi.
Përgatiti në shqip: Nataniela Vasileva
Foto: arkiv
Një nga forumet më të rëndësishme të xhazit në Bullgari – Plovdiv Xhaz Fest – filloi në korrik me një edicion në fshatin Markovo, për të vazhduar në vjeshtë në Plovdiv, kur tradicionalisht mund të presim një takim me disa nga emrat më madhështorë të..
Kënga "Mjeshtri i Bojanës" mbeti gjatë në repertorin e Lili Ivanovës. Në YouTube mund të shihen dhe dëgjohen shumë interpretime të saj nga koncerte të ndryshme gjatë viteve dhe për mua është vërtet një gëzim që kjo këngë, edhe sot – më shumë se 55..
Një top energjie, kjo është DARA - vajza nga Varna, e cila "shpërtheu" në jetën muzikore bullgare një dekadë më parë, duke shkelur në trampolinën e një formati televiziv muzikor dhe duke ndërtuar një karrierë mbresëlënëse me një prani të..
Një nga forumet më të rëndësishme të xhazit në Bullgari – Plovdiv Xhaz Fest – filloi në korrik me një edicion në fshatin Markovo, për të vazhduar në..
Mot i kthjellët