Pas një sëmundjeje të shkurtër vdiq Drejtori shumëvjeçar i Përgjithshëm i Agjencisë Telegrafike Bullgare Maksim Minçev. Ai ka lindur në vitin 1953 në Sofje. Ka mbaruar gazetari në Lvov, Ukrainë, dhe pedagogjikë në Akademinë ushtarake “G.S. Rakovski”.  Ka qenë bursist i NATO-s në Bruksel. Në vitin 2016 ishte zgjedhur Sekretar i Përgjithshëm i Këshillit Botëror të Agjencive informative, ndërsa në 2018 mori mandatin trevjeçar edhe si President i tij. Maksim Minçev ishte nismëtar i takimeve botërore të mediave bullgare, të cilat çdo vit mblidhnin gazetarë nga shumë vende. Ka punuar në gazeta, ka qene zëvendës kryeredaktor në BNR si dhe drejtues në Radion “Evropa e lirë”. “Një gazetar i afirmuar dhe i respektuar me përvojë të madhe profesionale dhe i udhëhequr gjithmonë nga standardet e profesionit”, shprehu ngushëllimet e tij në faqen e vet në Facebook Kryeministri Bojko Borisov.