Më 24 nëntor Kisha Ortodokse Bullgare respekton Shën Katerina. Ajo ka jetuar në fund të shekullit të III dhe në fillim të shekullit të IV në Aleksandria. Nëna e saj ishte e krishterë, por ajo e fshehu besimin e vet sepse në atë kohë po përndiqnin të krishterët. Katerina ishte një vajzë me mençuri dhe bukuri të rrallë. Kur ishte 18 vjeç, ajo tashmë kishte studiuar shkencën mjekësore.
Princat e pasur donin për t'u martuar me Katerinën e bukur, por ajo refuzoi të gjithë ata që donin dorën e saj. Ajo kërkonte ndonjë djalë që ishte i barabartë me fisnikërinë, pasurinë, bukurinë dhe me të arsimimin e saj.
Në afërsi të qytetit në atë kohë jetonte një vetmitar, një njeri me mendje të ndritur dhe me jetë të drejtë. Ai ishte babai shpirtëror i nënës së Katerinës. Nëna e mori vajzën e saj të vetme tek ai për këshilla të mira. Duke parë mençurinë e vajzës, plaku vendosi ta kthente atë në njohjen e Zotit.
Në Bullgari, Shën Katerina pranohet si shenjtore mbrojtëse e nënave. Në këtë ditë, gratë përgatisin pogaçe të lyera me mjaltë dhe i shpërndajnë ato tek të afërmit - për mbrojtje nga sëmundje, për shëndet dhe mirëqenie.