Dita e fundit e Javës së Ndritshme pas Ringjalljes së Krishtit njihet si E Diela e Thomait. Kjo është dita në të cilën respektohet kujtesa e Apostullit Thomai – njeri prej 12 dishepujve të zgjedhur nga Krishti. Kjo ditë lidhet me një nga episodet emblematike në jetën e Thoamit.

Kur Jezu Krishti iu shfaq dishepujve pas Ngjalljes së tij Thomai mungonte dhe prandaj dyshonte për fjalët e apostujve të tjerë se panë Zotin. Një javë të tërë ai jetonte me dyshimin duke pritur që në të vërtetë të shihte shenjat e plagëve me sytë e tij dhe t’i prekte me gishtat e tij. Kur, Jezusi iu shfaq dishepujve të Dielën në vijim, Ai i kërkoi Tomait që të shuante dyshimet e tij: “Vendos gishtin këtu dhe shiko duart e mia; shtrije dorën tënde dhe vendosje në anën time; mos ji mosbesues, por besimtar ”.Në momentin që ai siguroi veten për realitetin e shenjave në duart e Krishtit dhe në krah të Tij, besimi doli nga brenda tij dhe ai shpalli, “Zoti im dhe Perëndia ime”. Sidoqoftë, qortimi i Krishtit ka një rëndësi të veçantë për të gjithë ata që kanë skepticizmin e Thomait: “Lum ata që nuk kanë parë dhe ende kanë besuar”.

E Diela e Apostullit Thomai gratë përsëri ngjyrosin vezëdhe i shpërndajnë ato për të kujtuar dhe për të qetësuar shpirtrat e të vdekurve të tyre. Këtë ditë festojnë ditën e emrit të gjithë me emrin Toma, Tomisllav, Tomisllava.

Përpilues: Diana Cankova

Përgatiti në shqip: Svetllana Dimitrova