Unë nuk e shoh të ardhmen e NATO-s si një treg, por si një aleancë partnerësh të cilët punojnë së bashku për të zhvilluar teknologji, për të prodhuar pajisje ushtarake shumë efikase dhe për të demonstruar unitet. Këtë e deklaroi Presidenti Rumen Radev pas takimit të nivelit të lartë të vendeve anëtare në Bruksel. Udhëheqësit miratuan strategjinë e aleancës deri në vitin 2030.

Radev mirëpriti dy prej projekteve në “NATO 2030” për formimin e një organi civil-ushtarak për të stimuluar inovacionet në mbrojtje dhe për të krijuar një fond financiar për inovacionin. “Bullgaria duhet të punojë në mënyrë aktive në të gjitha drejtimet në mënyrë që industria, shkenca dhe të rinjtë tanë të ndjehen të plotëvlefshëm dhe të përfitojnë nga anëtarësimi në NATO”, tha ai.

Radev gjithashtu komentoi se pas vitit 2014 nuk ka pasur asnjë ndryshim në pozicionin e Aleancës ndaj Rusisë dhe se qëndrimi ndaj Kinës është shumë i vëmendshëm, sepse Pekini është një partner i rëndësishëm ekonomik për vendet anëtare.