Në prag dhe në ditën e Fjetjes së Virgjëreshës Mëri15 gusht, ditë kjo e cila është edhe festë e qytetit Nesebër, banorët dhe miqtë e qytetit i drejtojnë lutjet e tyre të zjarrta Nënës së Zotit me shpresë se do të kenë mëshirë për vuajtjet e tyre. Me një procesion liturgjik ata çojnë Ikonën Çudibërëse “Nëna e Shenjtë e Zotit – zonja e Jetës” e cila daton që nga shekulli i XIII. Kjo ikonë njihet edhe si Hyjlindësja e Zezë për shkak të ngjyrave të errëta me të cilat është e pikturuar. Sipas legjendave kishtare forca e saj çudibërëse ka shpëtuar shumë herë gjatë shekujve qytetin dhe për këtë arsye banorët e pranojnë si mbrojtëse e tyre. Kjo ikonë e Shën Mërisë u krijua në stilin bizantin dhe konsiderohet se ajo u soll nga Atoni. Besohet se shëron shumë sëmundje, por mbi të gjitha i ndihmon gratë të kenë foshnja dhe qetëson shqetësimet.
15 gusht është festë e fshatit Arbanasi, rajoni i qytetit Veliko Tërnovo. Aty në manastirin “Fjetja e Hyjlindëses” ruhet ikona çudibërëse “Hyjlindësja me tre duar” me një aureolë argjendi. Edhe kjo ikonë i ndihmon gratë të bëhen nëna. Manastiri ku ruhet kjo ikonë e shenjtë u ndërtua që në kohën e dinastisë Asenevci, e cila sundoi në kohën e Mbretërisë së Dytë Bullgare në periudhën e viteve 1187 – 1280. Besohet se gratë që duan të bëhen nënë, pas një lutjeje të zjarrtë, vendosin një monedhë në ikonën dhe nëse ngjitet mbi të - Nëna e Zotit i ka dëgjuar ato.
Redaktore: Darina Grigorova
Përgatiti në shqip: Svetllana Dimitrova
Shenjtërorja trake e Begliktashit ndodhet 5 km nga qyteti i Primorsko dhe është vetëm një nga kuriozitetet interesante në rajon. Në zonën përreth shihen edhe dolmenë të shumtë të ruajtur mirë që lidhen me ritualet e varrimit të fiseve trake. Në fakt,..
Pas festës së madhe të Fjetjes së Hyjlindëses, Lindja e Nënës së Zotit kremtohet me nder të veçantë në Bullgari. Kisha jonë e feston atë më 8 shtator, së bashku me kishën ortodokse greke, ndërsa kishat e tjera ortodokse lokale e kremtojnë festën më 21..
Më 6 shtator 1885, Bullgaria u bë përsëri një shtet i bashkuar. Në një intervistë për Radio Bullgarinë, profesori i Universitetit të Sofjes "Shën Kliment Ohridski" Ivan Illçev foli për faktorët që çuan drejt Bashkimit, kur Principata e Bullgarisë dhe..