Është absolutisht e papranueshme në shekullin e 21-të që në Evropë të fluturojnë raketat për të goditur një shteti sovran. Aktualisht nuk ka asnjë kërcënim të drejtpërdrejtë ushtarak për sigurinë e Bullgarisë. Por ka një sërë rreziqesh, tha Presidenti Rumen Radev pas një mbledhje kushtuar Ukrainës me kryeministrin, ministrat dhe shefat e dikastereve.

“Aktualisht qeveria po vlerëson rreziqet që lidhen me rrugët ajrore dhe detare dhe trasetë e energjisë, të gjithë sistemit të furnizimit. Po kërkohen të gjitha opsionet e mundshme që të mos ketë ndërprerje në furnizimin me gaz, naftë, ushqime dhe mallra të dorës së parë.”

Ne jemi duke kërkuar dhe duke punuar në të gjitha llojet e rrugëve dhe dërgesave alternative. Aktivitetet e sigurisë kibernetike janë duke u zhvilluar. Bullgaria do të punojë aktivisht për mbrojtjen e saj brenda NATO-s, tha kreu i shtetit.

“Fati i bashkatdhetarëve tanë nga Ukraina është i rëndësishëm për ne. Numri i personave që duan të evakuohen i kalon 4000. Ne do të bëjmë gjithçka për të evakuuar këta bashkatdhetarë. U bëj thirrje të gjithë bullgarëve në Ukrainë dhe të gjithë qytetarëve ukrainas që duan të kërkojnë azil në Bullgari - jemi të hapur. Ne do të bëjmë gjithçka që është e mundur në mënyrë të sigurt për t’i transportuar në Bullgari dhe për t’i ndihmuar", tha Radev.