Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

“Kujto të kaluarën, ndërto të ardhmen, ruaj traditën”

Tradita e festës së shopëve në qytetin Elin Pelin po vazhdon

Foto: Facebook /@ObshtinaElinPelin

“Festa e Shopëve” është një ngjarje e famshme, që u afirmua me historinë e saj më shumë se 50-vjeçare në qytetin që mban emrin e shkrimtarit Elin Pelin. Festa që daton nga viti 1970, përbën një triumf të vërtetë të traditës së shopëve – një grup etnografik që popullon trevat e Bullgarisë Perëndimore. Këtë vit, në programin njëjavor të festave që filluan më 13 qershor, secili mund të zbulojë diçka të preferuar prej tij.

Festa është një gamë shumëngjyrëshe e folklorit bullgar dhe ka vendin e saj të ndritshëm dhe të pazëvendësueshëm në kalendarin kulturor të komunës dhe në jetën tonë shoqërore. Ajo u bë një emblemë e qytetit, e cila na detyron të ruajmë, vlerësojmë dhe vazhdojmë traditën e shopëve, dhe kujtesën tonë familjare edhe sot e kësaj dite - thotë Reni Nikollova, Nënkryetare i Komunës Elin Pelin. - Festojnë shopët, por mysafirë janë edhe interpretues nga Bullgaria dhe jashtë saj. Programi është i lidhur me traditën folklorike - këngë, valle, humor nga rajoni i banuar nga shopët i quajtur Shoplluk, Shopsko. Zakonisht fillon në festën e krishterë të Shpirtit të Shenjtë, që sivjet u kremtua më 13 qershor, në zonën e njohur me emrin “Kisha” ku takohen familjet. U përpoqëm që çdo ditë, secili bashkëqytetar të prek, sipas shijeve dhe preferencave të tij, artet e ndryshme. Janë tradicionale si ekspozita e piktorëve, ashtu edhe ekspozita e fotografive me moton “Imazhe nga Shopsko”. Nuk janë të harruara fëmijët e talentuar, të cilët do të prezantohen në dy koncerte, gjithashtu dashamirësit e sportit, gatimit të gjellëve nga rajoni i shopëve. Do të ketë një ekspozitë makinash retro dhe paradë për kafshët shtëpiake. Do të performojë edhe Orkestra Frymore "Stefan Stefanov. Ansambli i Shopëve “Radi Radev” do ta shënojë 55 vjetorin e krijimit më 17 qershor – ditën e hapjes zyrtare të festivalit, me koncertin shfaqje “Rruga nëpër zjarr”.”

Nga zonja Nikollova mësojmë se në “Festën e Shopëve” do të marrin pjesë edhe klubet amatore për valle popullore dhe koret pranë vatrave të kulturës të bashkisë Elin Pelin. Në skenën e festave do të kenë vendin e tyre humoristët vendas. Është i rinisur Konkursi “Mis Festa e Shopëve”.

“Në tre ditë radhazi qyteti do të bëhet një skenë për shfaqjen e artistëve folklorikë nga bashkia dhe nga i gjithë vendi - një gamë shumëngjyrëshe e pasurisë tradicionale kulturore të Bullgarisë, e cila mund të shihet vetëm në një vend - në qytetin Elin Pelin. Shfaqjet kryesore janë ditët e premte, e shtunë, e diel - 17, 18, 19 qershor në Stadiumin “Levski” nga ora 19.30. Ftoj të gjithë dëgjuesit e Radios Kombëtare të vizitojnë qytetin Elin Pelin. Ju mirëpresim të nderuar mysafirë në “Festën e Shopëve ‘22”, e cila këtë vit është nën moton: “Kujto të kaluarën, ndërto të ardhmen, ruaj traditën”.

Përgatiti në shqip: Svetllana Dimitrova

Foto: Facebook /@ObshtinaElinPelin




Последвайте ни и в Google News Showcase, за да научите най-важното от деня!

Më shumë nga rubrika

Foto: Shkolla Kombëtare për Artet Folklorike

Katër breza talentesh ose mënyra se si shkolla për artet folklorike në Kotell, ruan shpirtin bullgar

Shkolla Kombëtare për Artet Folklorike "Filip Kutev" nuk është një shkollë e zakonshme, por një fabrikë e vërtetë për talente. Kjo është shkolla e parë jo vetëm në Bullgari, por edhe në Ballkan për studimin profesional të folklorit. Ndodhet në zemër të..

botuar më 25-04-03 7.00.PD

Kullotja tradicionale sezonale në malet bullgare - pjesë e trashëgimisë së UNESCO-së

Bullgaria iu bashkua një nominimi shumëkombësh për anëtarësim në elementin "Traditat e Kullotave", të regjistruar në Listën e Trashëgimisë Kulturore Jomateriale të UNESCO-së. Ngjarja u shënua më 28 mars me nënshkrimin zyrtar të nominimit nga..

botuar më 25-03-28 5.51.MD

Qyqja dëgjohet për herë të parë në Ditën e Shën Vangjelizmoit, kafshët zgjohen nga gjumi i tyre dimëror

Dita e Shën Vangjelizmoit (Ungjillëzimi i Hyjlindëses) është një ditë e shenjtë, simbol i mëshirës së pafund të Zotit ndaj njerëzve dhe veçanërisht ndaj figurës së gruas, e bekuar për të sjellë një jetë të re, por edhe mishërim i dëshirës së..

botuar më 25-03-25 7.30.PD