Ambasadorët e vendeve të BE-së do të takohen në Luksemburg për të diskutuar propozimin e Presidencës franceze për zgjidhjen e mosmarrëveshjes midis Bullgarisë dhe Maqedonisë së Veriut dhe fillimin e bisedimeve për anëtarësim me Tiranën dhe Shkupin, njofton BNT.

Qëndrimi i Bullgarisë për kornizën negociuese të propozuar nga Presidenca franceze duhet të shprehet nga Komisioni Parlamentar për Politikën e Jashtme. Nëse Bullgaria thotë po më 21 qershor, Këshilli i Çështjeve të Përgjithshme do të miratojë kuadrin e negociatave të Tiranës dhe Shkupit dhe Samiti i Ballkanit Perëndimor më 23 qershor do të miratojë datat e fillimit të bisedimeve.

Sipas BNT, Presidenca franceze dhe BE-ja i kanë pranuar kërkesat e Bullgarisë për Maqedoninë e Veriut dhe i kanë përfshirë në kuadrin e negociatave. Ata janë për ndryshimin e kushtetutës së Maqedonisë së Veriut, garantimin e të drejtave të bullgarëve atje, për zbatimin e marrëveshjeve dypalëshe ndërmjet Sofjes dhe Shkupit dhe për një deklaratë të përbashkët për gjuhën maqedonase.