Drejtuesit e grupeve politike në Parlamentin Evropian miratuan propozimin e kreut të grupit të Aleancës Progresive të Socialistëve dhe Demokratëve Iratxe García Pérez për debate mbi pranimin e Bullgarisë dhe Rumanisë në Shengen gjatë seancës plenare në Strasburg javën e ardhshme. Këtë e shkroi vetë ajo në profilin e saj në Facebook. “Herën e fundit kur isha në Bukuresht, i premtova vetes se do të bëj gjithçka e mundur për t’i dhënë fund kësaj padrejtësie - që Bullgaria dhe Rumania të jenë mbajtur jashtë Shengenit për 11 vjet, edhe pse përmbushin kriteret”, thekson ajo. Sipas BNR “Horizon”, debatet janë planifikuar për të mërkurën në orët e para të pasdites. Rezoluta do të votohet 2 javë më vonë.