Dy qen të rinj për luftimin e helmeve në natyrën e egra mbërrijnë sot nga Spanja. Me to, Ministria e Punëve të Brendshme formoi dy ekipe speciale dhe kështu Bullgaria u bë e para në Ballkan që disponon njësi të tilla për të luftuar helmet. Në 6 vitet e fundit, në Shoqatën Bullgare për Mbrojtjen e Zogjve kishte vetëm një ekip. Karremat helmuese janë shkaku kryesor i zhdukjes së një pjese të madhe të popullatës së shkabave. Në Ballkan në 20 vitet e fundit u asgjësuan mbi 900 shkaba. Për shkak të vështirësisë në identifikimin e autorëve, asnjë rast nuk ka përfunduar ende në gjykatë. Prandaj  vitin e kaluar 2021 u miratua Plani Kombëtar për Luftimin e Helmimeve, sipas të cilit Ministria e Brendshme dhe Ministria e Bujqësisë do të bashkëpunojnë për zbulimin e shkelësve. Spanja ka trajnerët më të mirë të qenve të shërbimit dhe ata që mbërrijnë sot janë trajnuar për 6 muaj. Ka edhe policë të trajnuar që do të punojnë me ta. Financimi është nën programin “Life”, një mjet kryesor për projektet mjedisore në Evropë.