Ministri në detyrë i kulturës Velisllav Minekov i propozoi kolegut të tij ukrainas Oleksandër Tkaçenko që të krijohet një komision i specializuar për të vlerësuar dëmet e shkaktuara të  trashëgimisë kulturore të shkatërruar në Ukrainë. Pas Këshillit “Arsim, rini, kulturë dhe sport” të mbajtur në Bruksel, Minekov tha se: “Ka shumë objekte - më shumë se 880. Problemi nuk është vetëm me trashëgiminë e paluajtshme kulturore, tashmë ka muze të grabitur, që është shumë e trishtuar. Propozimi im është që në këtë komision të marrin pjesë ministrat e kulturës, anëtarët e Parlamentit Evropian dhe komisionarët.” Këtë e bëri të ditur korrespondentja e BNR në Bruksel, Angelina Piskova. Bullgaria është e gatshme të sigurojë materiale edhe për mbrojtjen dhe ruajtjen e vlerave kulturore, si dhe ekspertë në fushën e konservimit dhe restaurimit.