Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ju prezantojmë "Sonjo, o moj bir" në interpretim të Bojka Prisadovës, fituesen e “Oskarit folklorik” në Evropë

Foto: YouTube, arkiv

Çdo udhëtim nëpër malet Rodope është i paharrueshëm - do t'ju thonë ata që dikur kanë shijuar aromën e pyjeve me pisha dhe të livadheve të harlisura. Por madhësia e malit u detyrohet edhe njerëzve dhe këngëve të tyre. Është e pamundur të jesh në Rodope, të dëgjosh dhe të mos kënaqesh nga zhurma e gajdes dhe zërat e këngëtarëve.

Sot ju çojmë në Rodope me "Këngën e ditës" "Sonjo, o moj bir" - një nga këngët më të forta nga kjo pjesë e Bullgarisë. Teksti i saj rikrijon një rrëfim emocionues dashurie, si shumica e këngëve në Rodope.

Këngën do ta dëgjojmë të interpretuar nga një prej emblemave të kësaj treve - Bojka Prisadova, karriera e së cilës filloi në tubimin e parë të të kënduarit "Rozhen" në vitin 1961. Atje ajo fitoi një medalje të artë. Pas diplomimit në Akademinë e Arteve Muzikore dhe Koreografike në Plovdiv, këngëtarja u bë pjesë e ansamblit tonë legjendar “Filip Kutev”. Më vonë, vetë Prisadova filloi të drejtojë grupe këngësh, me të cilat ajo gjithashtu fitoi njohje dhe popullaritet.

Bojka Prisadova u largua nga ne më 27 janar 2017.

Këngëtarja e dashur ka fituar shumë çmime në karrierën e saj të pasur muzikore, por një prej tyre është veçanërisht i vlefshëm - në vitin 1991, në Konkursin e 16-të Ndërkombëtar të Radios në Bratislavë, Sllovaki, në një konkurrencë me artistë nga 28 radio stacione evropiane, Bojka Prisadova fitoi Çmimin e Artë i pranuar nga specialistët si "Oskari folklorik" në Evropë. Në vitin 1991, të gjitha mediat raportuan për këtë sukses të folklorit bullgar dhe fotografia e Bojka Prisadovës nuk u largua nga faqet e para të gazetave dhe revistave evropiane.

Le të kujtojmë këngën që emocionoi publikun në mbarë botën 32 vjet më parë - "Sonjo, o moj bir". Aranzhimi për solist, kor dhe gajde është i Stefan Dragostinovit.

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Më shumë nga rubrika

Stefan Diomov

Kompozitori i dashur Stefan Diomov feston jubileun e tij të 80-të

Më 16 shkurt, një nga kantautorët më të dashur bashkëkohor – Stefan Diomov – mbush 80 vjeç. Shpirti i tij djaloshar u ka dhënë jetë dhjetëra hiteve të këngëtarëve dhe grupeve tona më të njohura, por kompozitori krijon edhe muzikë për dokumentarë, shfaqje..

botuar më 25-02-16 6.05.PD

"Dashuria dhe vera"

Kënga "Dashuria dhe vera" u interpretua nga ylli i muzikës pop bullgare Jordanka Hristova në vitin 2023, disa ditë para 14 shkurtit. Si data, ashtu edhe kënga bashkojnë dy festa - të verës dhe të dashurisë: “ Çfarë është vera pa dashuri? Çfarë është..

botuar më 25-02-14 6.00.PD
Hristo Jocov

Prof. Hristo Jocov – mes klasikës dhe xhazit, ku historitë përjetohen

"Një koncert me muzikë origjinale është një mënyrë e shkëlqyer për të festuar ditëlindjen," thotë me buzëqeshje një nga muzikantët më të shquar dhe krijues të xhazit në skenën bullgare, perkusionisti Hristo Jocov. Një fjalë e thënë, një gur i hedhur (Që..

botuar më 25-02-13 9.05.MD