Këtë verë, turistët do të mund të marrin informacion dhe të rezervojnë çadra dhe shezlonge në bregdetin bullgar të Detit të Zi në kohë reale. Koncesionarët në plazhet tona detare kanë përgatitur një aplikacion që pritet të jetë funksional përpara hapjes zyrtare të sezonit më 1 qershor. Mund të shkarkohet përmes Google Play dhe App Store nga kushdo që dëshiron ta përdorë atë. Për momentin, nuk ka asnjë aplikacion tjetër të ngjashëm që në këtë shkallë mund të informojë përdoruesit për çmimet e karrigeve dhe çadrave të plazhit, mësojmë nga një intervistë me Simeon Cvetkov, kryetar i Shoqatës për Zhvillimin e Aktiviteteve të Menaxhimit të Plazhit Detar në faqen e internetit bgtourism.bg. Në këtë mënyrë, pushuesit do të mund të kontrollojnë nëse ka një çadër falas në një plazh të caktuar, në cilën linjë ndodhet, ta rezervojnë direkt dhe ta paguajnë online. Kjo do të shmangë praktikën e pagesës së palëve të treta dhe tarifat shtesë të paraportuara.
Rritja e çmimit të çadrave këtë verë nuk do të kalojë 15%. Çmimet më të larta për çadrat dhe shezlongët pritet të jenë rreth 10-15 leva, të cilat janë të krahasueshme me ato në plazhet e afërta në bregdetin grek, ku çmimet janë rreth 6-10 euro.
Më e lira do të jetë në kampingun Nestinarka, çmimi i një çadre apo shezlong atje do të jetë 0.36 cent.
Për më shumë:
Përgatiti në shqip: Kostandina Bello
Ribnovo, fshati magnetik i Rodopеvе, i cili deri një dekadë më parë ishte në botën e tij të mbyllur larg globalizimit, tani mirëpret ngrohtësisht turistët. Banorët e tij janë bullgarë muhamedanë dhe dallohen për mënyrën e tyre të ruajtur të jetesës,..
Më 31 janar të vitit 1905, 15 studentë entuziastë u ngjitën për herë të parë gjatë dimrit në majën më të lartë të malit Vitosha, rrëzë së cilës ndodhet Sofja - Çerni Vrëh /2290 m/. Të rinjtë u mblodhën më 30 janar 1905 në mesditë në zonën “Koru..
Deri më 2 shkurt, në Ekspozitën Ndërkombëtare të Gjuetisë "Jagd & Hund" në Dortmund të Gjermanisë, Bullgaria do të prezantohet me një rekord botëror trofe për një derr të egër nga Ferma Shtetërore e Gjuetisë "Kormisosh". Çdo vit, ngjarja mbledh së..