“Po e vazhdojmë ndryshimin - Bullgaria Demokratike” (PP-DB) dhe GERB-SDS, të cilat po negociojnë për të formuar një qeveri me mandatin e dytë, miratuan një listë me emrat e ministrave të mundshëm të ardhshëm, tha për Nova TV kandidati i PP-DB për kryeministër Nikollaj Denkov. Pritet që ai të kryesojë kabinetin për nëntë muajt e parë dhe më pas për të njëjtën periudhë Maria Gabriel, e propozuar nga GERB-SDS, do ta pasojë atë në këtë post.

Sipas informacioneve jozyrtare, Maria Gabriel në pritje të radhës do të marrë postin e zëvendëskryeministres dhe ministre të jashtme.

Ish-ministri i financave Asen Vasilev dhe bashkëkryetar i “Po e vazhdojmë ndryshimin” nga kabineti “Petkov” do të marr edhe një herë këtë post.

Ministër i energjetikës do të jetë Rumen Radev – nënkryetar i Asociacionit të Kapitalit Industrial.

Për ministër të brendshëm tregohet drejtori i Drejtorisë kryesore të Luftimit të Krimit të Organizuar (GDBOP), Kalin Stojanov, mbrojtjen do ta marrë eksperti me përvojë shumëvjeçare, Todor Tagarev, ndërsa drejtësia – zëvendësi ministri aktual i këtij dikasteri Emill Deçev.

“Stafi i kabinetit u zgjodh në atë mënyrë që do të marrë mbështetje të gjerë në parlament”, komentoi Nikollaj Denkov në parlament. Ai shtoi se emrat e ministrave u miratuan nga Këshillat Kombëtarë të “Po e vazhdojmë ndryshimin” dhe “Bullgaria Demokratike”.

• Vazhdojnë negociatat mes PP-DB dhe GERB për një kabinet koalicioni