Grupe folklorike bullgare nga vende të ndryshme evropiane mblidhen për të kënduar dhe kërcyer në edicionin e tetë të takimit "Në mejdanin e Bullgarisë jetër". Eventi zhvillohet në datat 3 dhe 4 qershor në kryeqytetin çek, Pragë, dhe tema është Festivali i Trëndafilit – mbledhja e trëndafilave në Luginën e Trëndafilave. “Do të marrin pjesë 80 grupe nga vende të ndryshme, do të ketë koreografë të ftuar, muzikë live, valle dhe shumë surpriza të tjera”, tha për BTA, Todor Ralev – koreograf në ansamblin “Bullgarë” në Pragë dhe organizator i takimit të këtij viti. Në të do të marrin pjesë afro tre mijë bashkatdhetarë tanë që jetojnë në Francë, Britaninë e Madhe, Spanjë, Belgjikë, Gjermani, Holandë, Danimarkë, Itali, Suedi, Poloni etj.
Komuniteti bullgar në kryeqytetin çek do të demonstrojë ritualet tipike të rajonit të Kazanllëkut, të lidhura me mbledhjen e trëndafilave. Ngjarja përkon me festimet e 120-vjetorit të festës së parë të trëndafilit në Kazanllëk, i njohur si kryeqyteti i Luginës së Trëndafilave. “Qëllimi është që të gjithë së bashku, dorë për dore, të mblidhemi, të kërcejmë në sheshin e improvizuar, të argëtohemi së bashku, të shkëmbejmë informacione dhe përvoja dhe të largohemi me qindra miq të rinj”, thotë Todor Ralev.
Në vitin 2015 lindi ideja për t'u dhënë mundësi të gjitha formacioneve folklorike bullgare, që punojnë jashtë kufijve të Bullgarisë, të takohen çdo vit në një vend tjetër, të njihen me njëri-tjetrin, të shkëmbejnë ide dhe informacione dhe mbi të gjitha – të argëtohen së bashku në skenën e Bullgarisë sonë tjetër dhe të bëhen miq jo vetëm në rrjetet sociale, transmeton BTA.
Përgatiti në shqip: Kostandina Bello
Foto: arkiv personal
Edicioni i njëmbëdhjetë i Festivalit Ndërkombëtar të Filmit të Shkurtër "Karantina" zhvillohet nga data 5 deri më 9 gusht në kryeqytetin bregdetar të Bullgarisë – Varnë, njofton BTA. Në pesë mbrëmje, pranë fshatit të peshkatarëve "Karantina" në lagjen..
Burgasi është vendi nga ku fillon rruga e jashtëzakonshme e këngëtares bullgare të operës Rajna Kabaivanska drejt skenës botërore. Prandaj atje, pranë ndërtesës së Bashkisë, është vendosur një ekspozitë fotografike që ndjek në 150 fotografi jetën,..
Me përfundimin e javës së fundit të Shkollës Verore të Gjuhës dhe Kulturës Bullgare, e cila u zhvillua nga 19 deri më 25 korrik 2025, u mbyll edhe një kapitull i rëndësishëm i këtij programi të veçantë, i cili përbën një përvojë të paharrueshme për të..
Edicioni i njëmbëdhjetë i Festivalit Ndërkombëtar të Filmit të Shkurtër "Karantina" zhvillohet nga data 5 deri më 9 gusht në kryeqytetin bregdetar të..