Pasi, në ditën e fundit të shtatorit, Vlladi Ampov - Grafa  prezantoi një shfaqje madhështore muzikore në Stadiumin Kombëtar “Vasill Levski”, në tregun muzikor doli edhe kënga e tij më e re “Universi”. Videoja e këngës prezanton pamje mbresëlënëse të koncertit, të cilin e frekuentuan mbi 20 000 njerëz. Më shumë se njëzet kamera arritën të kapin përmasat e ngjarjes - skenën e madhe, skenografinë, ndriçimin, efektet dhe mbi të gjitha humorin dhe buzëqeshjet që ngjallnin te publiku interpretimet e këngëtarit Grafa.

• Grafa tërheq vëmendjen mbi çështje të rëndësishme në këngën “Fiasko”

Kënga “Universi” u përfshi në albumin e ri të Vlladi Ampov "Pylli shekullor" dhe nuk është çudi që ai është autor i muzikës, tekstit dhe aranzhimit. Në krijimin e tekstit lirik u përfshi edhe Georgi Kasabov - NDOE.

• Grafa ndërthur në mënyrë të shkëlqyer traditën dhe modernitetin në epikën “Pylli shekullor”

Frymëzimi për krijimin e këngës "Universi" ishte bashkëshortja e Grafës - Maria. Gjatë koncertit për habinë e zonjës bukuroshe, Vlladi me ndihmën e valltarëve e nxori në skenë për të prezantuar këngën. Ky moment dashurie dhe ndarjeje është pjesa më emocionuese e videos, e cila na transferon në Universin e këngëtarit Vlladi Ampov – Grafa.

Redaktore: Diljana Traçeva

Përgatiti në shqip dhe publikoi: Svetllana Dimitrova

Foto: YouTube /MonteMusicLtd, BGNES