Më 13 mars 1899 lindi në Cyrih të Zvicrës kompozitori, muzikanti, dirigjenti dhe mësuesi i madh bullgar Panço Vlladigerov. Ai luante piano dhe kompozonte që në moshë të re. Është autor i veprave të shumta në zhanre të ndryshme - opera, balet, muzikë simfonike, koncerte për piano, etj.

Panço Vlladigerov është themelues i shkollës pedagogjike bullgare për kompozim, e cila arsimoi disa nga kompozitorët më të shquar bashkëkohorë bullgarë. Ndër nxënësit e tij është edhe pianisti Alexis Weissenberg.

Për veprat e tij ai mori dy herë Çmimin e Mendelssohn-it të Akademisë së Berlinit (1918 dhe 1920). Ai punoi si pianist dhe kompozitor në Deutsches Theater të M. Reinhardt në Berlin (1920-32), duke kompozuar muzikë për produksionet e tij.

Në vitin 1932 u kthye në Bullgari dhe për katër dekada ishte profesor i pianos, muzikës së dhomës dhe kompozimit në Akademinë Shtetërore të Muzikës, që sot mban emrin e tij. Një sërë veprash të tij si Rapsodia Bullgare "Vardar" u bënë emblematike të muzikës bullgare.

Panço Vlladigerov u largua nga kjo botë më 8 shtator 1978.

• Sot kremtojmë përvjetorin e 120 të lindjes së kompozitorit të madh Panço Vlladigerov

• Panço Vlladigerov – një nga personalitetet më të shquara të shekullit XX