Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kremtojmë Shën Andrea i Parëthirruri, i konsideruar si mbrojtësi i bullgarëve të lashtë

Foto: arkiv

Më 30 nëntor, Kisha jonë Ortodokse nderon kujtimin e Shenjtorit Apostull Andrea.

Ai është vëllai i Apostullit të shenjtë suprem Pjetër dhe quhet i Parëthirrur sepse ishte i pari nga apostujt që ndoqi Shpëtimtarin. Që në moshë të re ai përçmonte kotësinë e kësaj bote dhe ishte të etur për të vërtetën e Zotit. Prandaj, ai u bë dishepull i Gjon Pararendësit dhe më pas ndoqi Shpëtimtarin, së bashku me vëllain e tij Pjetrin.

Kur apostujt pas Rrëshajëve shkuan për të predikuar Fjalën e Perëndisë në vende të ndryshme, Apostulli Andrea u nis në veri. Përmes Azisë së Vogël, Greqisë, përgjatë brigjeve tona të Detit të Zi, ai më në fund arriti në vendin e skitëve, Rusinë e sotme.

Apostulli i shenjtë vdiq si martir duke u kryqëzuar në kryq në Patra. Sipas historianëve, Shën Andrea është mbrojtës i bullgarëve të lashtë, në veriperëndim të Detit të Zi, ku ai predikonte deri në vdekjen e tij dhe konvertoi shumë paganë në besim.

Besohet se Shën Andrea është apostulli i të krishterëve ortodoksë, sepse ai shuguroi peshkopin e parë në Kostandinopojë - Apostullin Stahij. Dhe nga Patrikana e Kostandinopojës, bullgarët, serbët, rusët dhe sllavët e tjerë ortodoksë morën Pagëzimin e Shenjtë dhe Mirosjen. Prandaj ndër popujt tanë Shën Andrea është në respekt të veçantë. Ai është mbrojtësi shpirtëror i kishave dhe manastireve ortodokse.

Tempulli-monument „Shën Andrea i Parëthirruri“ në Sofje

Në Sofje ndodhet një nga këta tempuj, i ndërtuar në vitin 1926, në kujtim të vullnetarëve bullgarë – opëllçenas, në Luftën Çlirimtare Ruso-Turke të viteve 1876-1878, të cilët mbrojtën familjen dhe besimin e të parëve të tyre.


Përgatiti në shqip dhe publikoi: Svetllana Dimitrova

Foto: bg-patriarshia.bg, arkiv




Последвайте ни и в Google News Showcase, за да научите най-важното от деня!

Më shumë nga rubrika

Forum i kushtuar 45-vjetorit të Rezervatit “Liqeni Atanasovsko” kërkon zgjidhje për ruajtjen e biodiversitetit në zonë

Biblioteka Rajonale “Pejo K. Javorov” në Burgas është mikpritëse e forumit me temë: “Burgasi – pikë ndërthurjeje e trashëgimisë industriale, ndjeshmërisë ekologjike dhe potencialit kulturor”, njoftojnë organizatorët nga ekipi i Fondacionit Bullgar për..

botuar më 25-08-07 4.03.MD

80 vjet nga Hiroshima: një gur dëshmitar i bombardimeve përcjell nga Sofja një thirrje për paqe

Në vitin 2025 shënohen 80 vjet nga bombardimi atomik mbi qytetin japonez Hiroshima. Sipas traditës, në shenjë solidariteti me viktimat e sulmit, çdo vit më 6 gusht shoqëria bullgare ka mundësi të shohë një relikte unike – “Guri nga Hiroshima”. Ai..

botuar më 25-08-06 7.20.PD

Thelbi i Shpërfytyrimit të Zotit përqendrohet në shndërrimin shpirtëror

Më 6 gusht, Kisha Ortodokse Bullgare kremton një nga Dymbëdhjetë Festat e Mëdha të Zotit – Shpërfytyrimin e Zotit tonë Jezu Krisht. Kjo festë lidhet me një nga ngjarjet më të rëndësishme ungjillore – shfaqjen e Jezu Krishtit në lavdinë e Tij qiellore..

botuar më 25-08-06 4.55.PD