Galeria britanike The Wilson prezanton një koleksion pikturash të një emigranti bullgar

botuar më 24-04-28 8.05.PD

Foto: „Bullgarët në Londër“

Galeria dhe Muzeu The Wilson në qytetin britanik Cheltenham shfaq një koleksion unik pikturash nga një emigrant bullgar i cili ka jetuar dhe punuar në ishullin britanik për shumë vite. Ekspozita përmban vepra të Amedeo Modigliani, Vanessa Bell, Pablo Picasso, Duncan Grant dhe emra të tjerë të mëdhenj të artit figurativ, raporton gazeta Dnevnik.

Koleksioni i çmuar i artit është në pronësi të bullgarit Matej Radev. Në vitin 1950, bashkatdhetari ynë u largua nga regjimi totalitar në Bullgari dhe pas një udhëtimi të rrezikshëm, u vendos në Londër, ku punoi si sanitar në një spital. Aty Matej u takua me kirurgun dhe aktivistin për të drejtat e homoseksualëve, Patrick Trevor-Roper, i cili e prezantoi bullgarin në shoqërinë e lartë angleze.

Me ndihmën e kirurgut britanik Matej Radev u punësua në Galerinë Robert Wellington. Atje mësoi të bënte korniza pikturash dhe u njoh me disa nga artistët më të mëdhenj të shekullit të njëzetë.

Ajo që dihet sot për koleksionin Radev është se ai u krijua nga koleksionistët dhe kritikët britanikë Eddy Sackville-West dhe Eardley Knollys. Në vitin 1991 Knollys ia la trashëgim Radevit, i cili e pasuroi dhe në një moment numri i pikturave arriti 800.

Galeria The Wilson në qytetin Cheltenham

Pas vdekjes së Matej Radevit në vitin 2009, koleksioni i tij u prezantua në galeri të ndryshme britanike. Pikturat që ishin në pronësi të tij janë aktualisht të ekspozuara në Galerinë The Wilson në Cheltenham, ku mund të shihen deri në fillim të shtatorit 2024.

Fotot: “Bullgarët në Londër”, BTA

Përpiloi: Veneta Nikollova

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Galeria britanike The Wilson prezanton një koleksion pikturash të një emigranti bullgar

Më shumë nga rubrika

Rruga Kulturore e Kirill dhe Metodij zbulon një trashëgimi historike evropiane që përfshin më shumë se 11 shekuj

Mësuesja Natalija Stajkova – Lufta jashtë vendit është të ruajmë gjuhën bullgare

Vizitë në gjimnazin "Shenjtorët Kirill dhe Metodij" në Caribrod

Hapësira – nga vendet e shenjta të tokave tona te arritjet e shkencëtarëve bullgarë