Në edicionin e 14-të të Sistemit të Vlerësimit të Institucioneve të Arsimit të Lartë në Bullgari për vitin 2024, Universiteti i Sofjes “Shën Klementi i Ohrit” është në vendin e parë në 22 fusha profesionale. Sistemi i vlerësimit krahason performancën e 51 institucioneve të arsimit të lartë në 52 fusha profesionale, duke marrë parasysh edhe realizimin e të diplomuarve në tregun e punës.

Të ardhurat mesatare më të larta të tatueshme i marrin të diplomuarit e “Çështjeve Ushtarake” dhe Informatikës dhe “Shkencave Kompjuterike” (mbi 2250 euro), të ndjekur nga të diplomuarit në degën e “Matematikës”, “Metalurgjisë”, “Teknikës së Komunikacioneve dhe Kompjuterike”, “Sigurisë Kombëtare”, “Kërkimit, Nxjerrjes dhe Përpunimit të Mineraleve”, "Energjisë", "Shëndetit Publik" dhe "Elektroteknikës, Elektronikës dhe Automatizimit" (midis 1500 dhe 2000 euro). Të dhënat i bëri të ditur ministri zyrtar i arsimit, Prof. Galin Cokov.

Në nivelin e një institucioni konkret të arsimit të lartë, të ardhurat mesatare më të larta të tatueshme i marrin të diplomuarit e programeve Master në "Administrim dhe Menaxhim" në Universitetin Amerikan (4850 euro) dhe në "Informatikë dhe Shkenca Kompjuterike" në Universitetin e Sofjes (3935 euro) dhe në "Universitetin e Ri Bullgar" (3600 euro).