Interpretuesit e njohur bullgar Vasill Najdenov dhe dyshja “Vëllezërit Argirovi” i njohim individualisht prej disa dekadash, por që tani kanë regjistruar për herë të parë një këngë të përbashkët me titull "Atje, në kthesë". Teksti, i cili tregon për dashurinë dhe shpresën, por ka edhe një dozë nostalgjie, është i Vasill Najdenov dhe Bogosllav-Tervell Dimitrovit. Autorë të muzikës janë Vasill Najdenov dhe Stefan Dimitrov, ndërsa aranzhimin e ka bërë Stojan Bozov.

Ideja e këtij bashkëpunimi lindi spontanisht. Vasill Najdenov dhe kitaristi i tij Stojan Bozov kishin kohë që punonin për këngën, ia ofruan “Vëllezërve Argirovi”, menjëherë u pëlqeu dhe të gjithë së bashku e realizuan me një dëshirë të madhe. Pse po krijojnë që tani një këngë të përbashkët? – “Ndoshta sepse tani është koha për këtë”, na tha Bllagodest Argirov, duke shtuar se së shpejti do të realizohen xhirimet e një videoklipi për këngën, ndoshta në pranverë “kur të ngrohet moti”.

Dëgjoni historinë e dashurisë në një qytet të vogël - atje, rreth kthesës… në edicionin e sotëm të programit të ditës të Radio Bullgarisë më 5 shkurt 2025!

Përpiloi: Diljana Traçeva
Përgatiti në shqip dhe publikoi: Vesella Mançeva