Më 16 shkurt, një nga kantautorët më të dashur bashkëkohor – Stefan Diomov – mbush 80 vjeç. Shpirti i tij djaloshar u ka dhënë jetë dhjetëra hiteve të këngëtarëve dhe grupeve tona më të njohura, por kompozitori krijon edhe muzikë për dokumentarë, shfaqje kukullash etj.

Puna e tij lidhet më së shumti me qytetin e tij të lindjes, Burgas (Bullgaria Juglindore), dhe këngët e tij sjellin një ndjenjë deti, vere, miqësie...

Përvjetori do të shënohet me një sërë ngjarjesh, duke përfshirë tre koncerte radhazi - një më 4 prill dhe dy më 5 prill në Sallën 1 të Pallatit Kombëtar të Kulturës (NDK) në Sofje, në të cilat do të dëgjojmë disa nga këngët e tij më të njohura. Dhe në ditëlindjen e Stefan Diomov, në Teatrin Muzikor "Stefan Makedonski" në Sofje do të prezantohet mjuzikëli "Përshëndetje, si je mik". bazuar në këngët e tij dhe me libretin e Juri Daçev.

Ju ofrojmë hitin e tij “Përshëndetje, si je mik?” me tekst të Pejo Panteleevit, interpretuar nga grupi vokal “Familja Tonika”, i cili u bë jo vetëm kënga e tij me më shumë çmime, por edhe një himn i miqësisë.

• “Hajde së bashku” – këngët e kompozitorit Stefan Diomov në një koncert të madh

• Hitet e Stefan Diomovit në një spektakël të veçantë

• Kompozitori Stefan Diomov mbush 65 vjeç

Përpiloi: Diljana Traçeva
Përgatiti në shqip dhe publikoi: Vesella Mançeva