Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ivan Ivanov triumfon me titullin në “Wimbledon”: “Ndjenja është unike!”

Ivan Ivanov
Foto: AP/BTA

16-vjeçari Ivan Ivanov fitoi titullin në Wimbledon për të rinj në konkurrimin individual, duke regjistruar gjashtë fitore radhazi pa humbur asnjë set! Në finale, bullgari nga akademia e Rafael Nadal mposhti bindshëm amerikanin Ronit Karki me 2:0 në sete – 6:2, 6:3 – pas vetëm 57 minutash lojë.

Me paraqitjen e tij të jashtëzakonshme këtë javë, Ivan Ivanov ngjitet në vendin e parë në renditjen botërore për të rinj, njoftoi Federata Bullgare e Tenisit. “Të kem privilegjin të luaj në kortin nr. 1 në një finale të Wimbledon është diçka unike për mua dhe sinqerisht nuk e kam pritur”, tha Ivanov në një intervistë për faqen zyrtare të federatës. Bullgari tregoi se ndeshja më e vështirë për të ishte gjysmëfinalja, ku fitoi me 7:6(7), 7:6(5) kundër gjermanit Max Schönhaus. Kështu, ai mori revanshin për humbjen nga gjermani në gjysmëfinalet e “Roland Garros” në qershor të këtij viti. Synimi i tij i radhës është US Open.

Titulli i Ivan Ivanov është vetëm i dyti për Bullgarinë në Wimbledon te të rinjtë, pas atij të fituar nga Grigor Dimitrov në vitin 2008 – viti kur ka lindur Ivan Ivanov.

Aleksandër Vasilev

Një tjetër talent bullgar – Aleksandër Vasilev – përfundoi garën në gjysmëfinale të Wimbledon për të rinjë, pasi humbi në një ndeshje të rivalizuar ndaj Ronit Karki – 7:5, 4:6, 2:6.


Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: AP/BTA, Reuters



Последвайте ни и в Google News Showcase, за да научите най-важното от деня!

Më shumë nga rubrika

Në vitin 2026, Gara Çiklistike “Giro d’Italia” do të nisë nga Bullgaria

Bullgaria do të jetë vend mikpritës i një prej ngjarjeve më të mëdha sportive – “Giro d’Italia” (Gara Çiklistike e Italisë) në vitin 2026. Këtë e njoftoi ministri i turizmit, Mirosllav Borshosh, gjatë një deklarate për shtyp në Këshillin e Ministrave,..

botuar më 25-08-06 1.21.MD
Ekipi bullgar (me veshje të kuqe) gjatë ceremonisë së ndarjes së çmimeve

Medalje argjendi për Bullgarinë në kategorinë e vajzave në Kampionatin Evropian të Qitjes

Bullgaria fitoi medalje të argjendtë në disiplinën 25 metra pistoletë – trio për vajza në Kampionatin Evropian të Qitjes Sportive me armë me kalibër të vogël, që po zhvillohet në Shatoru, Francë. Bullgaret – Pamella Popova, Maria Atanasova dhe..

botuar më 25-08-04 6.34.MD

Bullgaret fituan medalje dhe titull ekipor në Kampionatin Evropian të Qitjes

Bullgaria fitoi medaljen e artë në garën e pistoletës me tre ekipe për femra në Kampionatin Evropian të Qitjes me Armët e Vogla në Châteauroux të Francës. Antoaneta Kostadinova, Mirosllava Minçeva dhe Lidija Nençeva mposhtën Gjermaninë në finale me..

botuar më 25-07-29 11.51.PD