Mijëra qytetarë dolën mbrëmë në rrugët e Sofjes, të organizuar nga Iniciativa "Drejtësi për të Gjithë", për të protestuar kundër korrupsionit dhe për të kërkuar dorëheqjen e qeverisë dhe Prokurorit të Përgjithshëm në detyrë, Borisllav Sarafov. "Demokracia është në rrezik. Drejtësia është në komë! Pushteti i fshehur është bërë i dukshëm!" ishte motoja e demonstratës në mbështetje të sundimit të ligjit, raportoi gazetarja e BNR-së, Maria Jordanova.
Marshimi protestues filloi nga Pallati i Drejtësisë, ndoqi kalldrëmin e verdhë deri në ndërtesën historike të Asamblesë Kombëtare, u ndal para selisë së partisë "DPS - Fillimi i Ri", ku njerëzit brohoritën "Peevskit, turp, dorëheqje dhe burg" dhe përfunduan me një bllokadë të "Orllov Most".
“Organet shtetërore janë marrë nën kontroll dhe janë shndërruar në shkopinj të fortë personalë të një grupi kriminal të kryesuar nga Deljan Peevski dhe Bojko Borisov, të cilët formalisht nuk janë pjesë e qeverisë, por e kanë shndërruar shtetin në një vasal të tyre. Pushteti i tyre mbështetet nga një mashtrues, që supozohet se vepron si Prokuror i Përgjithshëm, dhe një që vepron si Kryetar i Gjykatës së Lartë Administrative në shkelje të rëndë të Kushtetutës”, thanë organizatorët.
Deputetë nga “Po e Vazhdojmë Ndryshimin – Bullgaria Demokratike” (PP-DB) dhe figura publike iu bashkuan gjithashtu protestës.
“Protesta quhet “Rezistencë ndaj Diktaturës” – kjo është pjesë e planit tonë: rezistencë ndaj shtetit të pushtuar, pasi shohim se ky është një biznes informal, një rreth oligarkik, i cili në asnjë mënyrë nuk shfaqet para qytetarëve bullgarë për të deklaruar se dëshiron të qeverisë vendin përmes sistemit gjyqësor, përmes prokurorisë, përmes Agjencisë Shtetërore të Sigurisë Kombëtare, përmes shërbimeve, përmes të gjitha institucioneve. Praktikisht i është vënënjë kapak të gjithë shtetit”, komentoi bashkëkryetari i “Po, Bullgaria” Ivajllo Mirçev.
Një protestë e re do të mbahet javën e ardhshme, e cila mund të përkojë me një seancë të mundshme gjyqësore mbi masën e paraburgimit parandalues të kryetarit të bashkisë së Varnës, Bllagomir Kocev, tha Velisllav Veliçkov nga iniciativa.
Redaktoi: Diana Cankova
Përgatiti në shqip dhe publikoi: Vesella Mançeva
Foto: BTA
Të dielën do të mbizotërojë mot me diell me rritje të përkohshme të vranësirave, por pothuajse pa reshje. Era do të jetë verilindore, kryesisht e dobët, në Bullgarinë Lindore - deri në mesatare. Temperaturat do të jenë kryesisht midis 28° dhe 33°,..
Kërkesat për ndryshimin e masave për paraburgimin e kryebashkiakut të Varnës Bllagomir Kocev, ish-nënkryetarit të kryeqytetit Nikolla Barbutov dhe biznesmenit Petër Rafaillov u pritën në Gjykatën e Qytetit të Sofjes, njoftoi qendra e shtypit e..
Përpjekjet për të vënë nën kontroll zjarrin në Parkun Kombëtar “Rilla” vazhdojnë për ditën e dhjetë, njoftoi korrespondentja e BNR-së në Bllagoevgrad Keti Trençeva. Situata është më e vështirë në frontin verilindor, ku era po djeg barëra të..
Një seksion i ri i linjës së sensorëve në kufirin bullgaro-turk, i ndërtuar rishtazi, u hap në zonën e fshatit Krajnovo (rajoni i Jambolit). Në ceremoni..
Natën , moti në vend do të mbetet kryesisht i kthjellët, me vranësira të larta të shpërndara, por pas mesnatës do të fillojnë të formohen vranësira të..
Zjarrfikësit, punëtorët e Parkut Natyror “Manastiri i Rillës” dhe vullnetarët u bashkuan në shuarjen e një zjarri që shpërtheu dje pasdite në zonën..
Vranësira të dendura
Pjesërisht me re
Vranësira të ndryshueshme mundësi për reshje shiu