Me rastin e ditës së parë të shkollës - 15 shtator, Prokuroria dhe Ministria e Brendshme po kryejnë një operacion të specializuar në të gjithë vendin për të luftuar shpërndarjen e drogës rreth shkollave, qendrave tregtare, diskotekave dhe vendeve të tjera të vizituara nga adoleshentët, raportoi BGNES.

Qëllimi i dy institucioneve është të identifikojnë dhe ndalojnë personat që shpërndajnë narkotikë, dhe të përfundojnë me prioritet procedurat penale.

Janë parashikuar një sërë masash për mbrojtje në hapësirën kibernetike - duke përfshirë monitorimin e rrjeteve sociale, faqeve të internetit, forumeve dhe kanaleve të enkriptuara të bisedave me qëllim identifikimin dhe neutralizimin e përmbajtjes së dëmshme që kërcënon shëndetin fizik dhe mendor të fëmijëve - përdorimin e substancave të ndaluara, sfidat që lidhen me vetëlëndimin, ngjitjen në lartësi etj.

Monitorimi online do të mbulojë gjithashtu hapësirat kibernetike në të cilat publikohen materiale rreth shkeljeve të rrezikshme të trafikut si drifti, shpejtësia e lartë dhe të tjera.

Redaktoi: Diana Cankova

Përgatiti në shqip dhe publikoi: Vesella Mançeva

Foto: BGNES