GERB-SDS ruajnë epërsinë e tyre në rast të zgjedhjeve të reja parlamentare me 26.4%, sipas rezultateve të një sondazhi të Agjencisë Sociologjike "Trend". Anketa u krye me porosi të gazetës "24 Çasa", përmes intervistës së drejtpërdrejtë të standardizuar "sy më sy", me 1004 të anketuar mbi 18 vjeç, gjatë periudhës 13-20 shtator.

Për vendin e dytë po garojnë tre formacione - "Vëzrazhdane" me 13.9% mbështetje, DPS – Fillim i ri me 13.5% dhe PP – DB me 13.3%.

Në vendin e pestë është BSP – e majta e bashkuar me 7.2%, ndërsa menjëherë pas saj renditenMEÇ me 6.5% dhe ITN me 5.7%.

Partia "Veliçie" qëndron rreth pragut parlamentar me 4.1%, ndërsa APS mbetet nën të, me 2.5%.

Pothuajse gjysma (48%) e të anketuarve deklarua para Agjencisë “Trend” se do të votonin nëse zgjedhjet do të mbaheshin sot, çka korrespondon me rreth 2 640 000 votues.

Sa i përket qeverisjes politike, vetëm 15% e bullgarëve shprehin një qëndrim pozitiv ndaj parlamentit, ndërsa 77% janë kundër. Vlerësimet pozitive për qeverinë janë 23%, ndërsa ato negative janë në rritje të vazhdueshme gjatë muajve të fundit, duke arritur 66% në shtator.

Për presidentin, niveli i vlerësimeve pozitive (43%) dhe negative (44%) është thuajse i barabartë.

Redaktoi: Darina Grigorova

Përgatiti në shqip dhe publikoi: Svetllana Dimitrova

Foto: Ani Petrova, Trend