Kreu i partisë më të madhe parlamentare GERB dhe ish-Kryeministri i Bullgarisë Bojko Borisov komentoi mbi takimin e tij me Donald Trump Jr., i cili shkaktoi një reagim të gjerë mediatik në vendin tonë: "Takime private me fëmijët e miqve të mi, në një drekë informale nga e cila nuk doli asgjë, përveçse ndamë atë që secili prej nesh përjetoi gjatë kohës kur nuk e pamë njëri-tjetrin me babanë e tij, arrestime të paligjshme, largim nga shtëpia..." - shpjegoi ai për gazetarët.

Deputetët e "Po e Vazhdojmë Ndryshimin - Bullgaria Demokratike" këmbëngulën që kreu i GERB të bënte një deklaratë zyrtare në lidhje me artikullin në “Wall Street Journal”, i cili pretendon se Borisov kishte folur në pranverë në vendin tonë me Donald Trump Jr. për shitjen e një aksioni të "Rryma Turke" dhe bazës së naftës "Neftohim Burgas" në këmbim të heqjes së sanksioneve sipas ligjit global "Magnitsky" kundër "aleatëve të tij të ngushtë".

"I bëj thirrje zotit Borisov të dalë dhe të thotë të vërtetën. Kjo është e rëndësishme, sepse kur një politikan bullgar me ndikim të madh fillon të ofrojë asetet e shtetit bullgar, ky është një problem kombëtar", u argumentua Ivajllo Mirçev dhe i bëri thirrje Borisovit që të japë shpejt një intervistë për botimin amerikan dhe të tregojë versionin e tij.

Dje, 7 tetor kreu i “Vëzrazhdane” Kostadin Kostadinov njoftoi prokurorinë lidhur me akuzat në mediat amerikane.

• Kostadin Kostadinov paraqiti padi në prokurori kundër Bojko Borisovit për shkak të një artikulli të “Wall Street Journal”

Redaktoi: Elena Karkallanova

Përgatiti në shqip dhe publikoi: Vesella Mançeva

Foto: BTA