Një studim nga INSAIT (Instituti për Shkencën Kompjuterike, Inteligjencën Artificiale dhe Teknologjinë) në Universitetin e Sofjes “Shën Klimenti i Ohrit” u nderua si një artikull kryesor në një nga ngjarjet më prestigjioze në botën e inteligjencës artificiale dhe vizionit kompjuterik – Konferenca Ndërkombëtare mbi Vizionin Kompjuterik, raporton BTA.

Përpunimi i ObjectRelator përfaqëson një hap të rëndësishëm përpara drejt krijimit të sistemeve të IA-së që e perceptojnë botën në një mënyrë që është më afër njeriut. Modeli ofron një qasje të re në njohjen dhe kuptimin e objekteve, pavarësisht nga këndvështrimi – si nga perspektiva e syrit të njeriut (pamje egocentrike), ashtu edhe nga një kamera e jashtme (pamje ekscentrike).

Ndërsa kjo aftësi është e natyrshme për njerëzit, ajo është ende një sfidë serioze për sistemet moderne të IA-së.

ObjectRelator është rezultat i punës bashkëpunuese të shkencëtarëve nga INSAIT, Institutit Federal Zviceran të Teknologjisë në Cyrih, Universitetit Fudan në Shangai dhe kompanisë globale të teknologjisë Ant Group, e cila u shërben mbi 1.3 miliardë përdoruesve dhe 80 milionë tregtarëve në të gjithë botën.

Lexoni më shumë në arkivin e Radio Bullgarisë:

• Kryeministri përshëndeti bursistët e rinj të institutit INSAIT në Sofje

• Instituti INSAIT në Sofje është bashkëorganizator i një konkursi në SHBA për inteligjencën artificiale

• INSAIT dhe Instituti i Teknologjisë në Masaçusets do të punojnë së bashku në fushën e inteligjencës artificiale

• Mbi 4000 studentë nga e gjithë bota duan një stazh në institutin INSAIT në Sofje

• Bullgaria është e para në BE që realizoi inteligjencën artificiale të nivelit të lartë në gjuhën e saj

• Instituti bullgar INSAIT hyri në Aleancën globale të "Meta" dhe IBM për krijimin e inteligjencës artificiale

• Prej 3 vitesh INSAIT e pozicionon Bullgarinë në hartën teknologjike të botës

Përgatiti në shqip dhe publikoi: Vesella Mançeva

Foto: insait.ai