Shumica në pushtet dhe opozita në parlament u përplasën për procedurën me të cilën zhvillohet mbledhja e Komisionit për Buxhet dhe Financa, para miratimit përfundimtar të ndryshimeve në buxhetin për vitin 2026. Kryetari i “Po e vazhdojmë ndryshimin”, Asen Vasilev, u përpoq të bllokonte mbledhjen e jashtëzakonshme të komisionit.

Akuzave të opozitës se edhe Komisioni Evropian paralajmëroi Sofjen për një deficit buxhetor më të lartë se 3%, lideri i partisë kryesore në pushtet, GERB, Bojko Borisov, iu përgjigj se në realitet deficiti është më i ulët. Ai llogariti se, pas derogimit të shpenzimeve shtesë të lejuara nga BE për mbrojtjen, deficiti është 2.7%. Borisov theksoi gjithashtu se në pikën 14 të planit të shpallur për paqen në Ukrainë ka elemente që e shqetësojnë, lidhur me përgjegjësinë e përbashkët. Sipas deputetit, Sofja do të duhet të ndajë shtesë 600 milionë euro për të mbështetur planin e paqes.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: