Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Rajoni i Taraklia-s do të ruajë autonominë e tij

Foto: Ambasada e Republikës së Bullgarisë në Moldavi / Facebook

Autonomia e rajonit të Taraklia-s do të ruhet në kuadër të reformës së ardhshme të administratës shtetërore të Moldavisë. Këtë e siguroi kryeministri moldav Alexandru Munteanu në një takim me ambasadoren bullgare Maja Dobreva, raporton Ambasada e Republikës së Bullgarisë në Moldavi në faqen e saj në Facebook. Ai tha gjithashtu se komuniteti bullgar është një pjesë e rëndësishme e shoqërisë moldave - me njerëz punëtorë, që zotërojnë vlera dhe tradita të bukura, si dhe se diversiteti etnokulturor pasuron të gjithë vendin.

Nga ana tjetër, Maja Dobreva shprehu mirënjohje për kushtet e shkëlqyera të ofruara për ruajtjen e gjuhës, kulturës dhe traditave nga bashkatdhetarët tanë në Moldavi. Ambasadori bullgar theksoi suksesin e Degës së Universitetit të Ruses "Angell Kënçev" në Taraklia dhe pranimin e gati 260 studentëve të rinj, duke shprehur besimin se në afat të mesëm kjo do t'i japë shtysë zhvillimit të rajonit të Taraklia-s në aspektin ekonomik, arsimor dhe kulturor dhe do të ngadalësojë trendet negative demografike.

Në takim u nxor në pah ekzistenca e bashkëpunimit të thellë në një numër fushash me interes të ndërsjellë, siç janë arsimi, kultura, energjia dhe infrastruktura e transportit. “Bullgaria mbetet një mbështetëse e vazhdueshme e integrimit evropian të Moldavisë”, tha Maja Dobreva.

Lexoni më tepër në arkivin e Radio Bullgarisë:

Redaktoi: Diana Cankova

Përgatiti në shqip dhe publikoi:  Vesella Mançeva

Foto:  Ambasada e Republikës së Bullgarisë / Facebook




Последвайте ни и в Google News Showcase, за да научите най-важното от деня!

Më shumë nga rubrika

Parashikimi i motit për fundjavën

Të shtunën temperaturat minimale do të jenë nga 9 deri në 14°, në Sofje – rreth 9°. Në mëngjes do të ketë mjegull dhe shikueshmëri të dobësuar mbi ultësirat dhe fushat në Bullgarinë Perëndimore. Gjatë ditës do të ketë vranësira të..

botuar më 25-11-21 7.35.MD

Sofja po përgatitet për të pritur Asamblenë e 66-të të Përgjithshme të PABSEC

Pres që në Sofje parlamentarët nga shtetet anëtare të Asamblesë Parlamentare të Bashkëpunimit Ekonomik të Detit të Zi (PABSEC) të marrin vendime largpamëse, me të cilat do të mbështesin bashkëpunimin dhe zhvillimin e vendeve të rajonit të Detit të Zi...

botuar më 25-11-21 6.48.MD

Po investojmë 115 milionë euro në infrastrukturën e sigurt të komunikimeve satelitore

Ministria e Inovacionit dhe Rritjes do të investojë gati 115 milionë euro në vitin 2026 në një infrastrukturë kombëtare për komunikime të sigurta satelitore dhe në projekte të përbashkëta midis biznesit dhe rretheve akademike. Fondet do të shpërndahen..

botuar më 25-11-21 5.40.MD