Ditën e premte në mbrëmje pas shumë debateve të lodhshme dhe të vazhdueshme, ku argumentet ishin në sferën e vlerave kryesore njerëzore si të drejtat, liritë dhe demokracitë, Parlamenti i rrethuar nga qindra protestues miratoi përfundimisht buxhetin e vitit tjetër të sigurisë shtetërore, si dhe reformën e pensionimit, reformë kjo që shkaktoi një tronditje të vërtetë në shoqëri. Fjala “përfundimisht” është relative, sepse kjo ndodhi pasi iniciatorët e reformave nga partia në pushtet e qendrës së djathtë GERB u detyruan të bien dakord që reforma e sapomiratuar të revizionohet përsëri dhe pasi morën përkrahjen e kundërshtarit të tyre të madh Lëvizja për të Drejtat dhe Liritë. Rezistenca ndaj ndryshimeve në modelin e pensionimit, ndryshime, të cilat ishin miratuar vetëm nga sindikatat dhe partnerët socialë, ishte shumë e fuqishme tërë javën e kaluar. Ministri i punëve sociale, organizatat e biznesit, partnerët politikë nga koalicioni në pushtet dhe vetë Presidenti i vendit Rosen Plevneliev vunë në dukje shprehimisht se për mendimin e tyre këto masa nuk janë menduar mirë dhe mund të kenë pasoja negative. Në fakt, kundërshtime më të ashpra shkaktoi ideja që punonjësit të zgjedhin vetë nëse t’i paguajnë sigurimet e tyre të detyrueshme për pensionin e dytë në gjigantin shtetëror – në Institutin Kombëtar të Sigurimeve, ose në një prej dhjetë fondeve të mëdha të pensionit. Adhuruesit e reformave u përpoqën të provojnë se e drejta e zgjedhjes së lirë është gjëja më demokratike dhe tregon respekt ndaj të drejtave të njeriut. Kundërshtarët u argumentuan me pohimin se kjo është një formë e fshehtë nacionalizimi të sigurimeve suplementare të pensionimit, sepse biznesi privat nuk është në gjendje të luftojë me sukses kundër gjigantit shtetëror. Në fakt bëhet fjalë për një shumë prej 4 mlrd eurosh, të derdhur nga 3.3 mln veta, të cilat sigurohen në fondet private dhe çështja është se ku do të shkojnë këto mjete. Tani për tani pushtetarët sikur e fituan betejën, por jo edhe luftën për këto mjete, sepse pritet shqyrtimi i pakos së tërësishme prej masash për ndryshimin e reformës së pensionimit në kuadrin e tre muajve në vijim, kurse ndryshimet e tanishme mund të hidhen poshtë nga Gjykata Kushtetuese. Kjo do të thotë se pritet reforma e reformave dhe se ende asgjë nuk është e qartë dhe përfundimtare.
Përgatiti në shqip: Vesella Mançeva
Komisioni Evropian zyrtarisht e regjistroi "Çajin Bimor i Stranxhës" në Regjistrin e Treguesve Gjeografikë të Bashkimit Evropian. Që nga 3 qershori 2025, çajit unik bullgar i është dhënë statusi i Emërtimit të Mbrojtur të Origjinës. Ai prodhohet nga..
Lajmet dhe koncertet e transmetuara nga Radioja Kombëtare Bullgare (BNR) janë më të dëgjuarat nga auditori. Këtë e tregon një sondazh përfaqësues i "Alfa Research" i porositur nga Këshilli i Mediave Elektronike që eksploron misionin publik të BNR-së..
Një takim i zgjeruar i Këshillit të Rektorëve të Institucioneve të Arsimit të Lartë u mbajt më 5 qershor në Burgas, bënë të ditur sot nga këshilli në një njoftim për shtyp. Ndër të pranishmit në takim ishte edhe drejtoresha ekzekutive e Agjencisë..
Për të dytin vit radhazi, Kolegji Mjekësor i Universitetit Trak në Stara Zagora (Bullgaria Jugore) po organizon ekzaminime mjekësore falas në Shqipëri...
U takuam me Galina Kënevën gjatë vizitës së ekipit të transmetimit "Ura e besimit" në komunitetin kishtar ortodoks bullgar "Shën Patriku Evtimij i..
Konsullata e Përgjithshme e Bullgarisë në Nju Jork hap dyert për praktikantë dhe vullnetarë, të cilët duan të fitojnë një përfytyrim realist për..
Diell, re, shi, bubullime
Mot i kthjellët
Pjesërisht me re