Gjatë vitit 2020 Radioja Kombëtare Bullgare feston përvjetorin e vet të 85. Institucioni ynë është një nga dy mediat publike shtetërore në Bullgari, bashkë me Televizionin Kombëtar Bullgar, por ai është krijuar afro 25 vjet më vonë. 25 janari 1935 është data, kur me dekret të Mbretit Boris III transmetimi në Bullgari bëhet pronë shtetërore. Kjo datë është e pranuar si themelore për radion shtetërore, kurse prej 19 vjetëve data u afirmua dhe si një festë zyrtare e Radios Kombëtare Bullgare. Me këtë rast jepen çmimet “Sirak Skitnik”, si një dallim i personaliteteve të shquara me një kontribut të madh në zhvillimin dhe ngritjen e autoritetit të medies publike. Çmimi mban emrin e drejtorit të parë të Radio Sofjes - Sirak Skitnik (1935-43) i cili ka gërshetuar talentet e piktorit, poetit, teatralit, kritikut dhe figurës publike.