Institucione arsimore nga 25 vendbanime në vend, mes të cilave Sofja, Plovdivi, Stara Zagora, Ruse, Varna, marrin pjesë në programin e sivjetshëm të “Natës Evropiane të shkencëtarëve” 2020. Për shkak të pandemisë botërore nga Covid-19, ngjarja do të zhvillohet online më 27, 28 dhe 29 nëntor, ndërsa programi qendror do të transmetohet në facebook-profilin e projektit, në kanalin e posaçëm në You Tube, si dhe në profilet në rrjetet sociale të të gjithë partnerëve në iniciativë. Në hapësirën virtuale do të mund të ndiqen demonstrime interesante dhe eksperimente në fusha të ndryshme shkencore, viktorinë, leksione, diskutime, ekspozita, kinema shkencore, prezantim të përpunimeve studimore, konkurse për pikturë, foto, prezantim, video dhe ese, “kafe shkencore”.

Iniciativa  “Nata Evropiane e Shkencëtarëve” po zhvillohet në mbi 300 qytete në Evropë dhe nëpër botë. Projekti inovativ është i financuar  nga Komisioni Evropian mbi programin “Maria Sklodovska-Kjuri” të programit “Horizont 2020”.