Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgaria në hartën e energjisë diellore

Foto: arkiv

Çmimet e reja të energjisë elektrike, të cilat hynë në fuqi që nga fillimi i këtij muaji, për herë të radhës shkaktuan pakënaqësi nga ana e biznesit. Sqarimi më i thjeshtë se përse është e domosdoshme kjo rritje e radhës, janë çmimet më të larta të emetimeve të karbonit, të cilat për momentin janë rreth mbi 55 euro për një ton. Kështu, në fund të fundit, çmimet e energjisë elektrike për tregun e rregulluar shtohen mesatarisht me 4.40%, kurse çmimet e energjisë së ngrohjes-mesatarisht me 16.23%. Të pakënaqur nga çmimet e reja dhe nga pakësimi me 20% të çmimit të blerjes së energjisë elektrike nga burimet e ripërtëritshme të energjisë, i detyron një sërë ndërmarrjesh të vogla dhe të mesme, firma, të cilat ndërtojnë termocentrale të vogla fotovoltaike dhe të tjera, të bashkuar në Asociacionin Solar Bullgar, të ankohen kundër vendimit të marrë nga Komisioni Rregullator i Energjisë dhe i Ujit. Në një intervistë për Radion Kombëtare Bullgare, kryetari i tij, inxhinieri Veselin Todorov komentoi se çmimet blerëse preferenciale të korrentit nga burimet ripërtëritëse janë forma e vetme e ndihmës shtetërore, të cilën e merr sektori, por:

Veselin Todorov

“Në sfondin e  rritjes së madhe të çmimeve të lëndëve të para në të gjithë botën (hekur, bakër, qelq, silicium, të cilat janë të nevojshme për prodhimin e paneleve diellore), pakësimi me 20% të çmimit blerës i vret investuesit e ardhshëm, të cilët duan të investojnë para në centrale të vogla deri më 30 kilovatë”.  

Pakësimi i emetimeve të karbonit, frymëmarrja e një ajri më të pastër, pavarësia e energjisë dhe parashikueshmëria për sasinë e energjisë së prodhuar dhe konsumuar, janë vetëm një pjesë nga prioritetet e përdorimit të burimeve ripërtëritëse të energjisë. Por, kjo nuk do të thotë se ky tip mbartës të energjisë janë lehtësisht të arritshme për këdo që dëshiron të përfitojë prej tyre:

“Në Bullgari akoma kemi pengesa thjesht administrative, të cilat i de motivojnë njerëzit të interesohen më seriozisht nga energjia e gjelbër” - sqaroi Todorov dhe bëri krahasim midis kërkesave për fotovoltaikë në Gjermani dhe në vendin tonë. “Në Gjermani çdo një shtëpi, ose ndonjë godinë tjetër, duhet të ketë mbi çati një përqindje të caktuar të fotovoltaikëve, të cilët të kompensojnë energjinë elektrike, të cilën e përdor godina. Në Bullgari, që të mund të vendosim një panel të vogël në çatinë e shtëpisë ose të pallatit, duhet të marrim leje nga të gjithë fqinjët, bashkëpronësitë të regjistrojnë një depo tatimore dhe të paguhet akcizë mbi energjinë e prodhuar.” “Pengesa shkaktojnë dhe ligjet e vjetra, të cilat nuk janë reformuar. Është i nevojshëm vullnet që kjo të ndryshojë dhe t’i lejohet qytetarit të veçantë vet të caktojë pavarësinë e vet energjetike” - është i bindur Todorov.

Përpiloi: Joan Kolev

Përgatiti në shqip: Nataniela Vasileva

Foto: arkiv personal


Последвайте ни и в Google News Showcase, за да научите най-важното от деня!

Më shumë nga rubrika

Gati një milion pensionistë në Bullgari kanë pension minimal

Mbi 936 000 pensionistë në Bullgari marrin pensione minimale. Sipas statistikave të Institutit Kombëtar të Sigurimeve Shoqërore, mbi gjysmë milioni prej tyre kanë një pension minimal për kohëzgjatjen e shërbimit dhe moshën, i cili vitin e kaluar..

botuar më 25-08-22 12.48.MD
Ministri Gucanov

Shteti ndan 7 milionë euro për pajisje dhe furnizime në situata fatkeqësish

Ministria e Punës dhe Politikës Sociale ka siguruar 14 milionë leva për pajisje dhe furnizime për t'u përballur me fatkeqësitë. Fondet janë ndarë në kuadër të një projekti të Programit të Zhvillimit të Burimeve Njerëzore, tha Ministri i Çështjeve..

botuar më 25-08-21 1.12.MD

Fondi Shtetëror "Bujqësia" ka paguar mbi 60 milionë euro ndihmë për fermerët

Që nga fillimi i vitit, janë paguar61,850,999 euro në bazë të skemave të ndihmës shtetërore për fermerët bullgarë. Të dhënat janë nga faqja e internetit e Fondit Shtetëror "Bujqësia". Sipas informacionit në faqen e internetit, nga 16 tetori deri më..

botuar më 25-08-21 9.31.PD