Qendra e Sofjes është kthyer në një xhungël të egër me muzikë xhaz, drita festive dhe specie të rralla kafshësh. Dekorimi i veçantë i Krishtlindjeve i një prej vendeve urbane më autentike në kryeqytet - "Pesë qoshet e vogla" pranë rrugës “Graf Ignatiev”, nuk është vetëm mbresëlënës dhe i ndryshëm, por i kushtohet edhe idesë së ruajtjes së biodiversitetit dhe habitateve të kafshëve të rrezikuara.

Një tigër, një lemur, një kakado dhe një elefant janë vetëm disa nga fqinjët e pazakontë që mund të shihen në ballkonet, dritaret dhe vitrinat e dyqaneve përreth vendit. Një mbishkrim i vogël “Shikomë në Kopshtin Zoologjik” kujton se të gjitha kafshët mund të shihen live në Kopshtin Zoologjik të kryeqytetit.

Në ditët para Krishtlindjeve, këndi i çuditshëm do të ofrojë argëtim urban me një treg fermerësh, histori kafshësh, muzikë dhe ëmbëlsira për Krishtlindjet, dhe vetë dekorimet dhe kafshët do të jenë pjesë e pamjes së "Pesë qoshet e vogla" deri në mes të janarit.

Përpiloi: Vesella Krësteva

Përgatiti në shqip: Vesella Mançeva

Foto: BGNES